KOUMANS ENN KONVERSASION
LESON 3
Koz ek Azir Avek Bonte
Prinsip: “Lamour li . . . bon.”—1 Kor. 13:4.
Seki Zezi Ti Fer
1. Get VIDEO, ouswa lir Zan 9:1-7. Apre sa, reponn sa bann kestion-la:
-
Ki Zezi ti fer avan: Eski li ti geri aveg-la ouswa eski li ti pres avek li?—Get Zan 9:35-38.
-
Kifer to panse sa zom-la ti plis dispoze pou ekout Zezi apre sa?
Ki To Kapav Aprann ar Lexanp Zezi?
2. Enn kikenn pou plis anvi ekout twa si li trouve ki to interese ar li.
Swiv Lexanp Zezi
3. Met twa dan plas dimounn-la. Esey mazine seki li resanti.
-
Demann tomem: ‘Ki kitsoz pe trakas li? Ki kitsoz li pou trouv itil ek interesan?’ Kan to fer sa, to pou kapav koz ek azir avek bonte, ek dimounn-la pou santi ki to sinser.
-
Kan to ekout dimounn-la bien, to montre ki to vremem interese ar seki pe ariv li. Si li koz lor enn problem ki li pe gagne, ouswa si li dir twa seki li resanti, pa sanz size.
4. Koz avek respe ek zantiyes. Kan to ena konpasion pou enn dimounn ek ki to vremem anvi ed li, li pou santi sa dan to lavwa. Reflesi bien lor seki to pou dir ek lor fason ki to pou koze, ek evit dir bann kitsoz ki pou ofans li.
5. Demann li si li bizin led. Eski dimounn-la bizin enn koudme? Kan to montre twa bon anver enn kikenn, li pou plis anvi koz avek twa.
