KOUMANS ENN KONVERSASION
LESON 4
Limilite
Prinsip: “Avek limilite konsider lezot pli siperyer ki zot.”—Fil. 2:3.
Seki Pol Ti Fer
1. Get VIDEO, ouswa lir Zistwar Bann Zapot 26:2, 3. Apre sa, reponn sa bann kestion-la:
-
Kouma Pol atir latansion lor Zeova ek lor bann Lekritir, olie ki li atir latansion lor limem?—Get Zistwar Bann Zapot 26:22.
Ki To Kapav Aprann ar Lexanp Pol?
2. Bann dimounn pou plis anvi ekout twa si to ena limilite ek to koz avek respe.
Swiv Lexanp Pol
3. Pa fer gran-nwar. Pa donn dimounn-la linpresion ki to konn tou ek ki li pa konn nanye. Koz avek respe.
4. Fer li konpran ki sa lansegnman-la sorti dan Labib. Labib ena pouvwar pou tous leker bann dimounn. Kan to servi Labib, to ed bann dimounn pou ena lafwa dan Parol Bondie.
5. Ena douser. Fode pa to persiste ar dimounn-la pou montre ki to ena rezon. Nou pa diskit ar bann dimounn! To montre ki to ena limilite kan to res kalm ek to aret konversasion-la avan ki li vinn enn diskision. (Prov. 17:14; Tit 3:2) Si to koz avek douser, kitfwa dimounn-la pou ekout nou mesaz enn prosenn fwa.
