LESON 18
Bann Linformasion ki Itil
1 Korintien 9:19-23
REZIME: Ankouraz bann ki pe ekout twa pou reflesi lor to size. Fode ki zot santi ki zot inn aprann enn kitsoz itil.
KOUMA POU FER SA:
-
Reflesi lor seki bann dimounn deza kone. Olie ki to zis repet bann lide ki zot inn deza tande avan, ed zot pou trouv size-la dan enn lot fason.
-
Fer bann resers ek medite. Kan li posib, servi bann linformasion ki pa popiler ouswa bann levennman ki pe pase pou montre bann lide prinsipal. Reflesi bien lor to size ek lor lien ki ena ant to size ek bann linformasion ki to pou site.
-
Montre litilite to mesaz. Explike kouma bann pwin biblik kapav ed zot dan zot lavi toulezour. Koz lor bann sitiasion presi, bann latitid, ouswa bann aksion ki konsern zot.
