Ed bann ki pe ekout twa pou examinn zotmem. Poz bann kestion retorik. Sa pou ed dimounn-la pou reflesi lor seki li resanti.

Ankouraz bann bon mobil. Invit bann ki pe ekout twa pou reflesi lor rezon kifer zot fer bann bon aksion. Ed zot pou devlop bann meyer mobil ki existe, setadir lamour pou Zeova, pou zot prosin, ek pou bann lansegnman Labib. Rezonn avek zot; pa pres moral. Pa met zot malalez ouswa fer zot santi zot koupab. Alafin to konversasion, fode ki zot santi zot ankouraze, motive pou fer zot best.

Atir latansion lor Zeova. Montre zot kouma bann lansegnman Labib, bann prinsip, ek bann lalwa, reflekte bann kalite ki Bondie ena ek osi lamour ki Li ena pou nou. Ed zot pou kiltiv enn dezir pou fer Zeova plezir ek pou pran kont so santiman dan tou sitiasion.