Lapriyer ek enn bon preparasion. Priye Zeova pou Li ed twa pou pa atir latansion lor twa, me lor mesaz ki to pe prese. Gard bien dan to lespri bann pwin inportan ki to bizin dir. Servi to prop mo pou exprim to bann panse; pa nek resit par-ker bann lexpresion ki ena lor papie.

Koz ar to leker. Reflesi: kifer bann dimounn bizin tann sa mesaz-la? Konsantre to latansion lor zot. Koumsa, fason ki to deboute, bann zes ki to fer, ek bann lexpresion to figir pou montre ki to sinser ek amikal.

Kontak viziel. Si li pa enn ofans, get dimounn-la dan so lizie. Kan to pe fer enn diskour, pa get lasistans an zeneral, me get enn dimounn alafwa.