LESON 19
Eski Bann Temwin Zeova Zot Bann Vre Kretien?
Antan ki bann Temwin Zeova, nou krwar ki nou bann vre Kretien. Pou kone kifer, li inportan ki ou gagn repons sa trwa kestion-la: Lor ki kitsoz nou bann krwayans baze? Kifer nou’nn swazir pou apel nou bann Temwin Zeova? Ek kouma nou montre lamour pou sakenn nou kamarad?
1. Lor ki kitsoz bann Temwin Zeova baz zot krwayans?
Zezi ti dir: “Parol [Bondie] laverite.” (Zan 17:17) Parey kouma Zezi, bann Temwin Zeova finn touletan baz zot krwayans lor Parol Bondie. Anou get listwar bann Temwin Zeova. Ver bann lane 1870, enn group etidian Labib ti pran letan pou analiz seki Labib ansegne. Zot ti baz zot krwayans lor seki Labib dir, mem si bann krwayans-la ti bien diferan avek seki legliz ti ansegne. Apre sa, zot ti partaz seki zot ti aprann avek lezot. a
2. Kifer nou’nn swazir pou apel nou Temwin Zeova?
Zeova koz lor so bann adorater kouma so bann temwin parski zot dir laverite lor Li. (Ebre 11:4–12:1) Par exanp, dan lepase Bondie ti dir so pep: “Zot mo bann temwin.” (Lir Izai 43:10.) Dan Labib apel Zezi “temwin fidel.” (Revelasion 1:5) Se akoz sa ki an 1931, nou finn swazir nom Temwin Zeova. Ek nou fier pou port sa nom-la.
3. Kouma bann Temwin Zeova montre lamour parey kouma Zezi?
Zezi ti telman kontan so bann disip ki li ti konsider zot kouma so fami. (Lir Mark 3:35.) Dan mem fason, bann Temwin Zeova zot enn sel fami, ki internasional. Se akoz sa, ki zot apel zot bann kamarad frer ek ser. (Filemon 1, 2) Nou osi obeir komannman pou kontan nou “bann frer e ser dan lafwa.” (1 Pier 2:17) Bann Temwin Zeova montre sa lamour-la dan diferan fason. Par exanp, zot ed zot bann frer ek ser dan lemond antie kan zot pas par bann sitiasion difisil.
ANOU GET INPE PLIS
Aprann plis lor listwar bann Temwin Zeova, ek get bann lezot prev ki montre ki nou bann vre Kretien.
Bann vre Kretien baz zot krwayans lor Labib ek partaz sa avek lezot
4. Nou bann krwayans baze lor Labib
Zeova ti predir ki avek letan nou ti pou konpran Labib pli bien. Lir Daniel 12:4 ek not, ek apre sa, get sa kestion-la ansam:
-
Ki kitsoz ti “pou an-abondans” parmi pep Bondie amezir ki zot ti pou kontign etidie Labib?
Enn group etidian Labib ti etidie Parol Bondie, ek Charles Russell ti enn parmi sa bann etidian-la. Anou gete kouma zot ti pe fer sa. Zwe VIDEO-la, ek apre sa, get sa kestion-la ansam:
-
Dapre sa video-la, kouma Charles Russell ek so bann kamarad ti etidie Labib?
Eski ou ti kone?
Parfwa nou finn fer bann sanzman dan nou bann krwayans. Kifer? Anou pran enn lexanp: Amezir ki soley leve, nou trouv pli bien bann detay ki ena dan enn peizaz. Dan mem fason, tigit-tigit Bondie ed nou pou konpran pli bien laverite ki ena dan Labib. (Lir Proverb 4:18.) Mem si Labib pa sanze, amezir ki nou konpran li pli bien, nou finn fer bann sanzman dan nou bann krwayans.
5. Nou pres laverite lor Zeova
Kifer nou’nn swazir nom Temwin Zeova? Zwe VIDEO-la, ek apre sa, get sa kestion-la ansam:
-
Kifer li apropriye ki nou’nn swazir nom Temwin Zeova?
Kifer Zeova finn swazir enn pep pou vinn so bann temwin? Parski bann dimounn finn koz boukou manti lor Li. Ek so bann serviter ti pou fer kone ki Li tousel vre Bondie. Anou get de foste ki bann dimounn finn dir lor Zeova.
Sertin relizion ansegne ki nou bizin servi bann zidol pou ador Bondie. Eski sa li vre? Lir Levitik 26:1, ek apre sa, get sa kestion-la ansam:
-
Ki verite ena dan sa verse-la? Ki Zeova resanti kan nou servi bann zidol?
Sertin sef relizie ansegne ki Zezi li Bondie. Eski sa li vre? Lir Zan 20:17, ek apre sa, get sa bann kestion-la ansam:
-
Ki verite ena dan sa verse-la? Eski Zezi li Bondie?
-
Ki ou resanti kan ou kone ki Zeova finn avoy so bann Temwin pou pres laverite lor Li ek so Garson?
6. Nou kontan sakenn nou kamarad
Labib konpar bann Kretien ar bann diferan parti enn lekor. Lir 1 Korintien 12:25, 26, ek apre sa, get sa bann kestion-la ansam:
-
Ki bann vre Kretien bizin fer kan bann lezot Kretien pe soufer?
-
Dapre seki ou’nn trouve, kouma bann Temwin Zeova montre lamour sakenn pou zot kamarad?
Kan bann Temwin Zeova pe pas par bann sitiasion difisil dan enn parti lemond, deswit bann lezot Temwin Zeova dan lezot parti lemond ed zot. Pou trouv enn lexanp, zwe VIDEO-la. Apre sa, get sa kestion-la ansam:
-
Kouma bann Temwin Zeova finn ed zot bann kamarad apre enn siklonn?
Bann vre Kretien montre lamour anver bann ki bizin led
SERTIN DIMOUNN DIR: “Bann Temwin Zeova, zot enn nouvo relizion.”
-
Depi kan Zeova apel so bann adorater bann temwin?
SEKI NOU’NN APRANN
Bann Temwin Zeova zot bann vre Kretien. Nou enn fami internasional, nou bann krwayans baze lor Labib, ek nou fer bann dimounn konn laverite lor Zeova.
Eski Ou Rapel?
-
Kifer nou’nn swazir nom Temwin Zeova?
-
Kouma nou tret sakenn nou kamarad?
-
Eski ou panse ki bann Temwin Zeova zot bann vre Kretien?
DEKOUVER
Aprann plis lor listwar bann Temwin Zeova.
Les Témoins de Jéhovah. La foi en action, 1re partie : La sortie des ténèbres (1:00:53)
Anou get enn lexanp kouma bann Temwin Zeova finn montre laverite lor enn fos lansegnman.
Get bann repons pou bann kestion ki bann dimounn poz zot lor bann Temwin Zeova.
“Kestion ki Poze Souvan lor Bann Temwin Zeova” (Seksion lor jw.org)
Stephen ti telman ena laenn pou bann lezot ras, ki li ti atak zot. Gete kouma seki li’nn trouve parmi bann Temwin Zeova finn pous li pou sanze.
“Mo lavi ti pe vinn deplizanpli pir” (Latour Degard, 1e Ziliet 2015)
a Depi 1879, pep Zeova pibliye magazinn Latour Degard, ki explik seki Labib ansegne.
Ena Osi
KESTION KI POZE SOUVAN
Ki sa Inplike Etidie Labib Avek Bann Temwin Zeova?
Bann Temwin Zeova ofer bann letid Labib gratis, ek ou kapav servi ninport ki version Labib ki ou anvi. Santi ou lib pou invit bann manb ou fami ouswa bann kamarad ki ou anvi.
