LESON 47
Eski Ou Pre pou Pran Batem?
Ou finn aprann boukou kitsoz lor Zeova gras-a ou letid Labib. Sirman ou finn fer sertin sanzman pou aplik seki ou ti pe aprann. Me kitfwa ena sertin kitsoz ki pe anpes ou pou donn Zeova ou lavi ek pran batem. Sa leson-la pou koz lor bann diferan kitsoz ki kapav anpes enn dimounn pou pran batem ek kouma li kapav sirmont sa bann difikilte-la.
1. Ki kantite kitsoz ou bizin kone lor Labib pou ki ou kapav pran batem?
Pou pran batem, ou bizin “konn laverite.” (1 Timote 2:4) Sa pa vedir ki avan ou batem ou bizin konn repons tou bann kestion ki ena lor Labib. Mem bann Kretien ki batize depi lontan pe kontign aprann. (Kolosien 1:9, 10) Me kanmem sa, li inportan ki ou konpran bann lansegnman debaz ki ena dan Labib. Bann ansien dan lasanble pou ed ou pou kone si ou konn ase kitsoz.
2. Ki bann diferan kitsoz ou bizin fer avan ki ou pran batem?
Avan ki ou pran batem, ou bizin ‘sanz ou leker ek tourn ou ver Bondie.’ (Lir Zistwar Bann Apot 3:19.) Savedir ki ou bizin vremem regret bann pese ki ou’nn fer dan lepase ek demann Zeova pou pardonn ou. Ou bizin osi determine pou pa fer okenn kitsoz ki pa bon devan lizie Bondie, ek viv dan enn fason ki fer Li kontan. Anplis, ou pou bizin koumans asiste bann renion ek prese avek lasanble.
3. Kifer fode pa ou les laper anpes ou pou pran batem?
Sertin dimounn per tansion zot pa kapav tini promes ki zot inn fer Zeova. Li vre ki parfwa ou pou fer bann erer, me mem bann zom ek bann fam fidel ki mansione dan Labib ti fer bann erer. Ek Zeova pa atann ki so bann serviter parfe. (Lir Psom 103:13, 14.) Seki pli inportan pou Li se ki ou fer ou best! Ek Li pou ed ou fer sa. Ofet, Zeova rasir nou ki nanye pa “kapav separ nou ar [so] lamour.”—Lir Romin 8:38, 39.
ANOU GET INPE PLIS
Gete kouma sa pou ed ou pou sirmont bann kitsoz ki pe anpes ou pou pran batem kan ou aprann konn Zeova pli bien ek aksepte so led.
4. Aprann pou konn Zeova pli bien
Ki kantite ou bizin konn Zeova avan ki ou pran batem? Ou bizin konn Li ase bien pou ki ou kontan Li ek anvi fer so leker kontan. Zwe VIDEO-la pou trouve kouma bann etidian Labib partou dan lemond finn fer sa. Apre sa, get sa kestion-la ansam:
-
Dan sa video-la, ki finn ed sa bann dimounn-la pou prepar zot pou batem?
Lir Romin 12:2, ek apre sa, get sa bann kestion-la ansam:
-
Eski ou ena sertin dout konsernan seki Labib ansegne ouswa si bann Temwin Zeova ansegn laverite?
-
Si wi, ki ou kapav fer pou tir sa bann dout-la?
5. Sirmont bann lobstak ki kapav anpes ou pou pran batem
Kan nou desid pou donn Zeova nou lavi ek pran batem, nou tou nou gagn bann difikilte. Pou trouv enn lexanp, zwe VIDEO-la, ek apre sa, get sa bann kestion-la ansam:
-
Dan sa video-la, ki bann lobstak Narangerel ti bizin sirmonte pou ki li kapav servi Zeova?
-
Kouma so lamour pou Zeova finn ed li pou sirmont sa bann lobstak-la?
Lir Proverb 29:25 ek 2 Timote 1:7, NW, ek apre sa, get sa kestion-la ansam:
-
Ki kitsoz kapav donn nou kouraz ki nou bizin pou sirmont bann lobstak?
6. Ena konfians ki Zeova pou ed ou
Zeova pou ed ou pou ki ou kapav fer so leker kontan. Zwe VIDEO-la, ek apre sa, get sa bann kestion-la ansam:
-
Dan sa video-la, ki ti anpes sa etidian Labib la pou pran batem?
-
Ki finn ed li pou ena plis konfians an Zeova?
Lir Izai 41:10, 13, ek apre sa, get sa kestion-la ansam:
-
Kan ou donn Zeova ou lavi, kifer ou kapav sir ki ou pou reisi tini promes-la?
7. Ogmant ou rekonesans pou lamour ki Zeova ena pou ou
Plis ou reflesi lor ki kantite Zeova kontan ou, plis ou pou ena rekonesans anver Li, ek plis ou pou anvi servi Li pou touletan. Lir Psom 40:5, ek apre sa, get sa kestion-la ansam:
-
Ki bann benediksion ou’nn gagne ar Zeova ek ki ou vremem kontan?
Profet Zeremi ti kontan Zeova ek so parol, ek li ti vremem kontan privilez ki li ti ena pou port nom Zeova. Li ti dir: “To parol finn met lazwa ek kontantman dan mo leker; parski mo port to nom, A Zeova.” (Zeremi 15:16) Reponn sa bann kestion-la:
-
Kifer li vremem enn gran privilez pou vinn enn Temwin Zeova?
-
Eski ou anvi pran batem pou vinn enn Temwin Zeova?
-
Eski ena enn kitsoz ki pe anpes ou pou pran batem?
-
Ki ou panse ou bizin fer pou realiz lobzektif pou pran batem?
SERTIN DIMOUNN DIR: “Mo pa sir ki enn fwa ki mo pran batem, mo pou reisi tini mo promes.”
-
Eski ou osi ou ena sa santiman-la?
SEKI NOU’NN APRANN
Avek led Zeova, ou pou kapav sirmont ninport ki difikilte ki kapav anpes ou pou pran batem.
Eski Ou Rapel?
-
Ki kantite kitsoz ou bizin kone lor Labib pou ki ou kapav pran batem?
-
Ki sanzman kitfwa ou pou bizin fer avan ki ou kapav pran batem?
-
Kifer fode pa ou les laper anpes ou pran batem?
DEKOUVER
Gete ki kitsoz bizin motiv ou pou pran batem.
“Eski To’nn Pare pou Pran Batem?” (Latour Degard, Mars 2020)
Aprann kouma ou kapav sirmont bann difikilte ki kitfwa pe anpes ou pou pran batem.
Gete kouma enn misie finn reisi sirmont bann lobstak ki ti anpes li pou pran batem.
O-koumansman, enn misie ki apel Ataa ti ezite pou pran batem. Gete ki finn konvink li pou pran sa desizion bien inportan la.
Ena Osi
KESTION KI POZE SOUVAN
Ki sa Inplike Etidie Labib Avek Bann Temwin Zeova?
Bann Temwin Zeova ofer bann letid Labib gratis, ek ou kapav servi ninport ki version Labib ki ou anvi. Santi ou lib pou invit bann manb ou fami ouswa bann kamarad ki ou anvi.
