Paran Ed To Zanfan pou Vinn ‘Saz pou Gagn Lavi Sov’
“Depi tibaba to konn bann lekritir sakre ki kapav fer twa vinn saz pou to gagn lavi sov.”—2 TIMOTE 3:15, NW.
1, 2. Kifer sertin paran kitfwa trakase kan zot zanfan anvi vwe zot lavi ar Zeova ek pran batem?
SAK lane, plizir milye etidian Labib vwe zot lavi ar Zeova ek pran batem. Parmi zot ena boukou zenn ki finn grandi dan laverite ek ki finn swazir meyer lavi ki ena. (Psom 1:1-3) Si to enn paran Kretien, kitfwa to pe atann avek inpasians zour ki to garson ouswa to tifi pou pran batem.—Konpar avek 3 Zan 4.
2 Anmemtan, kitfwa to trakase. Kitfwa to finn trouv sertin zenn pran batem me plitar zot finn koumans ena bann dout ek zot demann zotmem si li vremem bon ki zot viv dapre bann prinsip Bondie. Sertin finn mem kit laverite. Alor, kitfwa to trakase ki to zanfan koumans servi Zeova me plitar perdi so lamour pou laverite. Li kapav vinn kouma bann Kretien Efez dan premie siek. Zezi ti dir lor zot: “To’nn perdi lamour ki to ti Revelasion 2:4, NW.) Kouma to kapav ed to zanfan pou gard so lamour for pou laverite ek “grandi pou gagn vre lavi [“lavi sov,” NW ]”? (1 Pier 2:2) Anou examinn lexanp Timote.
ena o-koumansman.” (“TO KONN BANN LEKRITIR SAKRE”
3. (a) Kouma Timote ti vinn enn Kretien, ek ki li ti fer avek seki li ti aprann? (b) Lor ki trwa kitsoz Pol ti atir latansion Timote?
3 Lapot Pol ti vizit lavil Lis pou premie fwa an lan 47. Se sirman dan sa lepok-la ki Timote, ki kitfwa ti enn adolesan, ti aprann bann lansegnman Zezi. Timote ti aplik seki li ti aprann, ek de-z-an apre li ti koumans vwayaz avek Pol. Anviron 16 an plitar, Pol ti ekrir Timote ek ti dir li: “Pa abandonn bann kitsoz ki to’nn aprann ek ki finn konvink twa pou krwar, parski to kone ar ki dimounn to finn aprann sa, ek ki depi tibaba to konn bann lekritir sakre [bann Lekritir Ebre] ki kapav fer twa vinn saz pou to gagn lavi sov gras-a lafwa an Zezi Kris.” (2 Timote 3:14, 15, NW.) Remarke ki Pol ti dir ki (1) Timote ti konn bann lekritir sakre, (2) ti konvink Timote pou krwar dan bann kitsoz ki li ti aprann, ek (3) Timote ti vinn saz pou gagn lavi sov gras-a lafwa an Zezi Kris.
Mem bann tipti zanfan kapav aprann lor bann personaz ek bann levennman ki mansione dan Labib
4. Ki to finn servi pou ansegn to zanfan? (Get zimaz dan koumansman lartik.)
4 Antan ki enn paran Kretien, sirman to anvi ki to zanfan konn bann lekritir sakre, setadir bann Lekritir Ebre ek bann Lekritir Grek Kretien. Mem bann tipti zanfan kapav aprann lor bann personaz ek bann levennman ki mansione dan Labib. Lorganizasion Zeova finn fer boukou liv, brosir, ek video ki bann paran kapav servi pou ed zot zanfan. Lekel ki disponib dan to lang? To zanfan bizin kone ki ena dan Labib pou li kapav ena enn relasion bien solid avek Zeova.
“KONVINK TWA POU KRWAR”
5. Kouma nou kone ki ti’nn konvink Timote pou krwar bonn nouvel konsernan Zezi?
5 Li pa ase ki nou ansegn nou bann zanfan lor bann dimounn ek bann levennman ki mansione dan Labib. Rapel ki ti ‘konvink Timote pou krwar.’ Lexpresion Grek ki Pol inn servi isi vedir “ena lasirans” ouswa “ena konviksion ek sir konsernan laverite lor enn kitsoz.” Timote ti konn bann Lekritir Ebre depi ki li bien tipti. Plitar, li ti sir ki Zezi limem Lemesi. Lafwa Timote ti telman for ki li ti pran batem ek li ti akonpagn lapot Pol dan servis misioner.
6. Kouma to kapav ed to zanfan pou ena plis lafwa dan Parol Bondie?
6 Kouma to kapav ed to zanfan pou gagn enn lafwa parey kouma Timote, pou ki li osi li ena ‘konviksion pou Romin 12:1, NW.) Antan ki paran, to kapav fer boukou pou ed to zanfan gagn enn lafwa solid, sirtou kan zot poz bann kestion. Anou gete ki nou kapav aprann ar lexanp enn papa.
krwar’? Dabor, ena pasians. Sa pran letan pou gagn enn lafwa solid. Se pa parski twa, to krwar dan enn kitsoz ki savedir to zanfan otomatikman pou krwar sa li osi. Sak zanfan bizin servi “so kapasite pou rezone” pou fer so lafwa vinn pli for dan Labib. (Lir7, 8. (a) Kouma enn papa montre pasians kan li ansegn so tifi? (b) Kan eski to finn bizin ena pasians avek to zanfan?
7 Thomas ena enn tifi 11 an. Li rakonte ki parfwa so tifi poz li bann kestion kouma: “Eski li posib ki Zeova inn servi levolision pou ki lavi devlope lor later?” ouswa “Kifer nou pa partisip dan bann laktivite ki fer dan landrwa, par exanp, vote pou esey amelior bann kitsoz?” Parfwa Thomas bizin reziste ar lanvi pou dir li direkteman seki li bizin krwar. Thomas kone ki seki kapav konvink enn dimounn, se pa zis enn sel gran prev, me plizir ti prev.
8 Thomas kone osi ki li bizin ena pasians pou li kapav ansegn so tifi. An realite, tou bann Kretien bizin ena pasians. (Kolosien 3:12) Thomas konpran ki sa demann letan ek boukou konversasion pou ki li kapav ed so tifi. Li bizin servi Labib pou rezonn avek so tifi pou ki li ena konviksion ki seki li pe aprann li vre. Thomas dir: “Sirtou konsernan bann pwin inportan, mo madam ek mwa, nou anvi kone si nou tifi vremem krwar dan seki li pe aprann ek si sa lozik pou li. Si li ena bann kestion, bien bon. Fran-fran, mo ti pou gagn traka si li ti aksepte enn kitsoz san ki li poz kestion.”
To bizin ena pasians pou ed to zanfan pou ena lafwa dan Parol Bondie
9. Kouma to kapav ed to zanfan pou krwar dan Parol Bondie?
9 Kan bann paran ansegn avek pasians, avek letan, zot zanfan pou koumans konpran ‘larzer, longer, oter e profonder’ lafwa. (Efezien 3:18) Nou kapav ansegn zot dan enn fason ki adapte ar zot laz ek zot kapasite pou konpran. Amezir ki zot lafwa vinn pli for, li pou pli fasil pou zot defann zot bann krwayans devan lezot, mem devan zot bann kamarad lekol. (1 Pier 3:15, 16) Par exanp, eski to zanfan kapav servi Labib pou explik seki arive kan enn dimounn mor? Eski lexplikasion ki Labib done lozik pou zot? * (Get not.) Rapel ki to bizin ena pasians pou ed to zanfan pou ena lafwa dan Parol Bondie, me sa vo lapenn.—Deteronom 6:6, 7.
To lexanp osi inportan pou ki to zanfan ena lafwa
10. Ki kitsoz ena linportans kan to ansegn to zanfan?
10 Biensir, to lexanp osi inportan pou
ki to zanfan ena lafwa. Stephanie ena trwa tifi. Li dir: “Depi ki mo bann tifi tipti, mo finn bizin demann momem: ‘Eski mo dir mo bann zanfan kifer mo sir ki Zeova existe, kifer mo sir ki Li kontan nou, ek kifer mo sir ki Li azir dan enn fason ki drwat? Eski mo bann zanfan trouve ki mo vremem kontan Zeova?’ Si momem mo pena sa konviksion-la, kouma mo kapav atann ki mo bann zanfan ena sa.”‘SAZ POU GAGN LAVI SOV’
11, 12. Ki ete sazes, ek kouma nou kone ki sa pa depann lor laz enn dimounn?
11 Nou finn aprann ki Timote ti ena (1) konesans lor bann lekritir sakre ek (2) ti ena konviksion dan seki li ti krwar. Me ki Pol ti pe rod dir kan li ti dir ki bann lekritir sakre ti kapav fer Timote vinn ‘saz pou gagn lavi sov’?
12 Liv Étude perspicace des Écritures, Volim 2, explike ki dan Labib, sazes inplik “kapasite pou servi konesans ek lintelizans dan enn fason efikas pou regle bann problem, pou evit ouswa res lwin ar bann danze, pou reisi bann lobzektif, ouswa konsey lezot pou fer sa. Sazes li lekontrer fer betiz.” Labib dir ki “betiz li atase ar leker enn zanfan.” (Proverb 22:15, not) Sazes li lekontrer betiz, alor enn dimounn ki ena sazes montre ki li ena matirite. Enn dimounn gagn matirite lor plan spiritiel parski li ena lakrint pou Zeova ek parski li anvi obeir Li, pa zis parski li pe vinn vie.—Lir Psom 111:10, NW.
13. Kouma bann zenn kapav montre ki zot saz pou gagn lavi sov?
13 Bann zenn ki ena enn sertin matirite lor plan spiritiel pa les zot ‘balote par bann vag ek sarye partou-partou’ par zot bann dezir ouswa par linflians lezot zenn. (Efezien 4:14, NW.) Okontrer, zot “konn disern seki bien ek seki mal.” (Ebre 5:14) Akoz sa, zot pran bann bon desizion, mem kan zot paran ouswa lezot adilt pa pe get zot. (Filipien 2:12) Sa kalite sazes-la neseser pou gagn lavi sov. (Lir Proverb 24:14. *) Kouma to kapav ed to zanfan pou devlop enn sazes koumsa? To bizin fer sir ki zot kone ki bann prinsip to swiv. Par to bann parol ek to bann aksion, zot bizin trouve ki to pe fer zefor pou viv dapre bann prinsip Labib.—Romin 2:21-23, NW.
Kifer li inportan ki bann paran kontign fer zefor pou ed zot zanfan? (Get paragraf 14-18)
14, 15. (a) Si enn zenn anvi pran batem, lor ki kitsoz li bizin reflesi? (b) Kouma to kapav ed to zanfan pou medit lor bann benediksion ki gagne kan obeir bann lalwa Bondie?
14 Selman, pou to ed to zanfan pou ena lafwa, li pa ase ki to zis dir li ki bon ki pa bon. To bizin osi ed li pou rezone. Par exanp, to kapav poz li bann kestion kouma: ‘Kifer Labib kondann bann kitsoz ki kapav paret atiran? Kouma mo kapav sir ki bann prinsip Labib zot touletan bon pou mwa?’—Izai 48:17, 18.
Mark 10:29, 30) Li bien inportan pou reflesi bien lor sa bann kitsoz-la avan batem. Ed to zanfan pou medit lor bann benediksion ki li gagne kan li obeir, ek lor bann konsekans ki li gagne kan li dezobeir. Lerla kitfwa li pou plis krwar ki sa pou touletan fer li gagn bann benediksion si li swiv bann prinsip Labib.—Deteronom 30:19, 20.
15 Si to zanfan anvi pran batem, ed li pou reflesi bien lor bann responsabilite ki vini avek sa desizion-la. Kouma li konsider sa bann responsabilite-la? Ki bann benediksion li pou gagne? Ki bann difikilte li pou gagne? Kifer nou kapav dir ki ena pli boukou benediksion ki difikilte? (KAN ENN ZENN KI’NN PRAN BATEM KOUMANS GAGN DOUT
16. Ki bann paran bizin fer si lafwa zot zanfan ki batize pe koumans diminie?
16 Ki to kapav fer si to zanfan koumans gagn bann dout lor laverite apre so batem? Par exanp, to garson ouswa to tifi kapav koumans atire ar bann kitsoz ki ena dan lemond. Ouswa to zanfan kapav koumans ena bann dout konsernan bann prinsip Labib ek li demann limem si li vremem bon ki li viv Psom 73:1-3, 12, 13) Fason ki to reazir kitfwa pou inflians so desizion pou kontign servi Zeova. Pa lager ar to zanfan lor la, mem si li bien zenn ouswa si li enn adolesan. Plito, fer li kone ki to kontan li ek ki to anvi ed li.
dapre bann prinsip Bondie. (17, 18. Si enn zenn ena bann dout, kouma so bann paran kapav ed li?
17 Enn zenn ki pran batem vwe so lavi ar Zeova. Li promet pou kontan Zeova ek pou fer So volonte pas avan tou lezot kitsoz. (Lir Mark 12:30, NW.) Zeova konsider sa ve-la kouma enn promes bien serye, ek nou osi nou bizin konsider sa kouma enn kitsoz serye. (Ekleziast 5:4, 5) Rapel sa to zanfan. Me avan, lir ek etidie bann konsey ki lorganizasion Zeova donn bann paran. Lerla, avek zantiyes ek dan enn bon moman, fer to zanfan konpran ki so desizion pou vwe so lavi ar Zeova ek pou pran batem ti enn desizion bien serye. Me fer to zanfan konpran osi ki sa desizion-la pou fer li gagn boukou benediksion.
18 Par exanp, ena bann bon konsey dan seksion Appendice « Les parents s’interrogent » dan liv Les jeunes s’interrogent. Réponses pratiques, Volim 1. Sa liv-la ankouraz bann paran pou pa panse deswit ki zot zanfan inn rezet laverite, me plito zot bizin rode kot vre problem-la ete. Kitfwa zanfan-la pe sibir presion so bann kamarad lekol ouswa li santi li tousel. Ouswa kitfwa zanfan-la ena linpresion ki lezot zenn pe fer plis ki li dan servis Zeova. Sa seksion-la explik osi ki sa bann problem-la pa neseserman enn sign ki montre ki to bann zanfan pa dakor avek to bann krwayans. Kitfwa li pe bizin fer fas ar lezot difikilte. Anplis, sa seksion-la donn bann paran bann sigzesion pou ed zot zanfan ki ena bann dout lor laverite.
19. Kouma bann paran kapav ed zot zanfan pou vinn ‘saz pou gagn lavi sov’?
19 Antan ki paran, to ena enn responsabilite inportan ek enn privilez pou elve to zanfan dan “disiplinn ek lansegnman” Zeova. (Efezien 6:4) Parey kouma nou finn aprann, savedir ki to bizin ansegn to bann zanfan seki Labib dir ek ed zot pou ena konviksion ki seki zot pe aprann li vre. Kan zot ena enn lafwa for, zot pou anvi vwe zot lavi ar Zeova ek servi Li avek tou zot leker. Nou swete ki Parol Bondie, so lespri sin, ek to bann zefor ed to zanfan pou vinn ‘saz pou gagn lavi sov’!
^ par. 9 Lor jw.org, to kapav gagn bann Fiche d’étude pou liv “Ki la Bible enseigné vrai-mem?” dan boukou lang. Se bann bon zouti ki ed bann zenn ek bann adilt pou konpran ek explik bann verite biblik. Al dan seksion LA BIBLE ET VOUS > OUTILS D’ÉTUDE DE LA BIBLE.
^ par. 13 Proverb 24:14: “Dan mem fason, lasazes li bon pou twa. Si to trouv li, to pou ena enn lavenir, ek to lespwar pa pou dan vid.”