Lir Zenez 37:23-28; 39:17-23 ek gete kouma lexanp Zozef kapav ed twa pou andir bann linzistis.

Aprann plis lor zistwar-la. Kifer bann dimounn ti maltret Zozef? (Zen. 37:3-11; 39:1, 6-10) Pandan komie letan Zozef inn bizin andir bann linzistis? (Zen. 37:2; 41:46) Pandan sa letan-la, ki Zeova ti fer pou Zozef, me ki Li pa ti fer?—Zen. 39:2, 21; w23.01 17 ¶13.

Fer bann resers. Labib pa dir si Zozef ti defann li kan madam Potifar ti met enn fos lakizasion lor li. Kouma sa bann verse-la kapav ed nou pou konpran kifer Zozef kitfwa ti res trankil, ek kifer li pa neseser ki nou konn tou detay lor so sitiasion? (Prov. 20:2; Zan 21:25; Zist. 21:37) Ki bann kalite ti ed Zozef pou andir bann linzistis?—Mish. 7:7; Lik 14:11; Zak 1:2, 3.

Reflesi lor bann leson. Demann tomem:

• ‘Ki bann linzistis mo kapav gagne akoz mo enn disip Zezi?’ (Lik 21:12, 16, 17; Ebre 10:33, 34)

• ‘Kouma mo kapav prepar mwa pou fer fas ar bann linzistis?’ (Ps. 62:7, 8; 105:17-19; w19.07 2-7)