Eski to ti pou kontan gagn plis bienfe ar to letid personel? Sa bann sizesion-la pou ed twa pou konsantre pli bien kan to etidie:

• Swazir enn bon plas. Si posib, rod enn plas ki an-ord ek kot ena enn bon lekleraz pou ki to kapav trouv bien. To kapav asiz kot enn biro ouswa enn latab, ouswa to kapav rod enn plas ki konfortab deor.

• Rod enn plas kot to tousel. Zezi ti swazir pou priye “boner gramatin” dan “enn landrwa retire.” (Mark 1:35) Si to pa pe reisi trouv enn moman pou to etidie tousel, fer to fami ouswa bann ki res avek twa kone kan to pou etidie, ek demann zot pou pa deranz twa dan sa ler-la.

• Res konsantre. Pa les twa distrer. Si to pe servi to telefonn ouswa to tablet pou etidie, met li lor silans ouswa lor airplane mode pou ki li pa deranz twa. Si pandan ki to pe etidie to pans enn kitsoz ki to bizin fer, ekrir li pou ki to pa bliye fer li apre. Si kanmem sa, to pa pe reisi konsantre, fer enn ti poz pou mars-mars enn tigit ek pou fer bann etirman.