LATOUR DEGARD (EDISION LETID) Zin 2020
Dan sa nimero-la ena bann lartik letid apartir le 3 ziska le 30 Out 2020.
“Ki To Nom Sanktifie”
Lartik letid 23: 3-9 Out 2020. Ena enn size bien inportan ki konsern tou bann dimounn ek tou bann anz. Ki sa size-la sa, kifer li bien inportan, ek kifer sa konsern nou? Repons pou sa bann kestion-la pou ed nou ranforsi nou relasion avek Zeova.
“Fer Mwa Ena enn Leker Konple pou ki Mo Ena Lakrint pou To Nom”
Lartik letid 24: 10-16 Out 2020. Dan sa lartik-la, nou pou examinn seki David ti dir dan enn lapriyer ki trouv dan Psom 86:11, 12. Ki savedir ena lakrint pou nom “Zeova”? Kifer nou bizin ena enn gran respe pou sa nom-la? Ek kan nou ena lakrint pou Bondie, kouma sa protez nou kont bann tantasion?
Kestion Bann Lekter
Eski dan “frwi lespri” ena zis bann kalite ki mansione dan Galat 5:22, 23?
“Momem Mo Pou Al Rod Mo Bann Mouton”
Lartik letid 25: 17-23 Out 2020. Kifer sertin aret vinn renion mem si zot inn servi Zeova avek fidelite pandan plizir lane? Ki santiman Zeova ena pou zot? Sa lartik-la pou reponn sa bann kestion-la. Nou pou osi gete seki nou kapav aprann ar fason ki Zeova ti ed sertin parmi so bann serviter dan lepase, ki ti elwagn zot ar Li pandan enn tan.
“Retourn ver Mwa”
Lartik letid 26: 24-30 Out 2020. Zeova anvi ki bann ki’nn aret prese ek aret vinn renion retourn ver Li. Li donn zot sa linvitasion-la: “Retourn ver mwa.” Nou kapav fer boukou kitsoz pou ankouraz bann inaktif ki anvi aksepte sa linvitasion-la. Dan sa lartik-la, nou pou gete kouma nou kapav ed zot pou retourn ar Zeova.
