Si ou ti anvi vwayaze ek al enn plas kot zame ou’nn ale avan, ki ou ti pou fer?

1. 1. Al dan direksion ki ou ou panse bon.

2. 2. Swiv lezot ek ou espere ki zot konn semin-la.

3. 3. Servi enn gid ki ou fer konfians, kouma par exanp enn GPS, enn map, ouswa demann enn kamarad ki ou fer konfians ek ki konn semin-la.

Si ou swazir opsion enn ouswa de, sa pou amenn ou kitpar me pa neseserman plas kot ou anvi ale. Me si ou swazir opsion trwa, ou kapav sir ki sa pou amenn ou dan ou destinasion.

Lavi li kouma enn vwayaz kot nou anvi ariv dan bon destinasion, setadir enn lavenir kot nou ere. Me selman, pou reisi ariv dan nou destinasion, sa pou depann boukou lor kotsa nou pou rod konsey kan nou ena pou pran bann desizion.

Dan lavi, nou ena boukou desizion pou pran, ek sertin desizion zot extra inportan parski zot kapav afekte nou ek bann dimounn ki nou kontan pandan lontan. Desizion ki nou pran pou montre seki nou nou konsider kouma bon ek pa bon. Sa bann desizion-la konsern bann domenn kouma:

• Sex ek maryaz

• Lonette, travay ek kas

• Kouma pou elve bann zanfan

• Kouma pou tret lezot

Kouma ou kapav sir ki bann desizion ki ou pran pou ed ou ek ou fami pou ena enn lavenir ere?

Kestion ki sakenn parmi nou bizin poze: Ki kapav ed mwa pou kone ki bon ek ki pa bon, ek pran bann bon desizion?

Sa magazinn-la pou explike kifer nou kapav sir ki Labib li enn gid ki nou kapav fer konfians, ek li pou osi explike kouma Labib kapav ed nou.