“Fer To Regn Vini”—Enn Lapriyer ki Bann Milyon Dimounn Fer
Eski ou’nn deza priye pou ki regn Bondie vini? Pandan plizir siek, bann milyon dimounn finn resit sa lapriyer-la: “Fer to regn vini.” Kifer zot ti fer sa lapriyer-la? Parski Zezi ti demann so bann disip pou priye pou ki regn Bondie, ouswa Rwayom Bondie, vini.
Koumansman, bann disip Zezi pa ti konpran tou kitsoz konsernan sa Rwayom-la. Enn fwa zot ti demann Zezi: “Segner, eski asterlamem ki to pou remet Rwayom Izrael dibout?” Kitfwa zot ti etone ki Zezi pa ti dir zot kan exakteman Rwayom Bondie pou vini. (Zistwar Bann Apot 1:6, 7) Me rasir ou, li posib pou kone ki ete Rwayom Bondie ek kan li pou vini.
Sa nimero Latour Degard la pou ed ou trouv repons sa bann kestion-la:
Kifer nou bizin Rwayom Bondie?
Kisannla Lerwa dan Rwayom Bondie?
Kan eski Rwayom Bondie pou diriz later?
Ki Rwayom Bondie pou fer?
Kifer ou bizin swazir pou soutenir Rwayom Bondie depi asterla mem?
Ki ete Rwayom Bondie?
Ena Osi
ESSENTIAL BIBLE TEACHINGS
Ki Ete Rwayom Bondie?
Pandan so minister lor later, Zezi ti ansegn lor Rwayom Bondie plis ki ninport ki lezot size. Pandan plizir siek, so bann disip finn priye pou ki sa Rwayom-la vini.
