Ki Lespwar Ena pou Bann Ki’nn Mor?
Lamor afekte sakenn parmi nou, me eski tou fini avek lamor? Eski Bondie pou bliye pou touletan bann dimounn ki’nn mor? Eski ena kit lespwar pou bann dimounn ki’nn mor?
REFLESI LOR SEKI LABIB DIR
BONDIE PA BLIYE BANN DIMOUNN KI’NN MOR
“Tou dimoun ki dan tom . . . pou sorti.”—Zan 5:28, 29.
Bondie rapel bann dimounn ki’nn mor, ek tou bann dimounn ki dan so memwar pou regagn lavi.
POU ENA ENN REZIREKSION LOR LATER
“Pou ena rezireksion bann dimounn ki zis ek bann dimounn inzis, toule-de.”—Zistwar Bann Apot 24:15, NW.
Bann milyon dimounn pou resisite ek zot pou ena lespwar pou viv pou touletan dan lape.
NOU KAPAV ENA KONFIANS DAN LESPERANS REZIREKSION
“[Bondie] kont kantite zetwal ki ena; Li apel zot tou par zot nom.”—Psom 147:4, NW.
Si Bondie kapav apel tou bann zetwal par zot nom, alor li fasil pou Li rapel bann dimounn ki Li pou resisite
Ena Osi
REPONS POU BANN KESTION BIBLIK
Ki Ete Rezireksion?
Kitfwa ou pou etone kan ou pou aprann kisannla ki pou resisite.
