Seki Nou Kreater Ansegn Nou, Donn Nou enn Zoli Lespwar
Bondie finn promet nou bann sanzman extraordiner ki pou arive biento. Li pou tir tou bann soufrans ki existe azordi ek Li promet pou donn tou bann dimounn enn lavi ere lor later. (Psom 37:11) Kifer nou kapav krwar sa promes-la? Parski “Bondie pa kouma enn sinp imin ki koz manti.” (Nonb 23:19) Anou get sertin bon kitsoz ki nou Kreater pou fer.
Bondie Pou Tir Tou Bann Move Dimounn
“Bann ki viv dan pese zot pouse kouma move lerb; bann ki finn swazir move sime zot kapav prospere me enn zour zot pou fini net.”—PSOM 92:7.
Kouma nou ti aprann dan lartik avan, deplizanpli bann move kitsoz pe ogmante. Ofet, sa pa etonn nou parski ti fini predir dan Labib dan 2 Timote 3:1-5 ki pandan “bann dernie zour,” bann dimounn pou vremem bien move. Dernie zour ki kitsoz? Se dernie zour bann dimounn ki pa anvi obeir Bondie. Biento, Bondie pou detrir tou bann move dimounn ki refiz pou sanze. Lerla, zis bann bon dimounn, setadir bann ki obeir Bondie, ki pou res lor later. “Bann ki swiv bon sime pou posed later e viv lor la pou toultan.”—Psom 37:29.
Bondie Pou Detrir Satan
“Bondie lape pou kraz Satan.”—ROMIN 16:20.
Kan Satan ek bann demon, ek tou bann move dimounn pou disparet, pou ena lape partou lor later. Nou Kreater promet: “Pa pou ena personn ki fer [twa] per.”—Mishe 4:4.
Bondie Pou Tir Maladi ek Lamor
“Lakaz Bondie li omilie so pep! . . . Li pou souy tou zot larm. Pa pou ena ni lamor, ni dey, ni lamantasion, ni douler.”—REVELASION 21:3, 4.
Bann soufrans ek maladi nepli pou existe parski Bondie pou repar tou bann dega ki Satan, Adan, Ev ek nou prop linperfeksion inn fer. Ek lerla, “pa pou ena ni lamor.” Bann dimounn ki kontan ek obeir nou Kreater pou viv pou touletan. Me kotsa zot pou viv?
Nou Kreater Pou Fer Later Vinn enn Paradi
“Dezer ek landrwa sek pou bien kontan, ek laplenn kot nanye pa pouse pou dan lazwa ek pou bourzone kouma safran.”—IZAI 35:1.
Kan Bondie pou detrir tou move kitsoz, later pou vinn enn paradi! Pou ena bann zoli zardin, ek pou ena manze an-abondans. (Psom 72:16) Bann losean, bann lak, ek bann larivier pou prop ek ranpli ar lavi. Mem, mo “polision” pou disparet dan nou langaz! Bann dimounn pou res dan bann lakaz ki zotmem zot inn aranze. Ek zame pa pou ena bann dimounn ki pena lakaz, ki pena manze ek ki pov.—Izai 65:21, 22.
Bondie Pou Redonn Lavi Bann Ki’nn Mor
“Pou ena rezireksion.”—ZISTWAR BANN APOT 24:15.
Eski ou anvi retrouv ou bann fami ki ou finn perdi dan lamor? Bondie Tou-Pwisan pou redonn zot lavi, setadir resisit zot, dan Paradi lor later. Ou pou rekonet zot, ek zot pou rekonet ou. Mazine ki kantite zot pou kontan pou retrouv zot kamarad! Kifer nou kapav sir ki sa pou arive vremem? Parski Labib koz lor bann adilt ek bann zanfan ki ti resisite ek zot ti reini avek zot fami. Anplis, souvan Zezi ti resisit bann mor devan boukou dimounn.—Lik 8:49-56; Zan 11:11-14, 38-44
Ena Osi
LEVE!
Dan enn Lemond ki Anba-Lao—Kontign Ena Lespwar
Labib ed nou pou fer fas ar bann problem ki ena dan lavi ek donn nou enn lespwar pou lavenir.
REPONS POU BANN KESTION BIBLIK
Ki Ete Rezireksion?
Kitfwa ou pou etone kan ou pou aprann kisannla ki pou resisite.
ESSENTIAL BIBLE TEACHINGS
Ki Arive kan Nou Mor?
Labib promet ki pou ariv enn lepok kot boukou dimounn pou resisite, parey kouma Lazar.
