Normalman, bann dimounn anvi viv anpe, viv onet, ek montre zot bon. Alor, kifer souvan nou trouv violans, linzistis, ek kriote? Partou nou tann bann move nouvel. Eski ena enn kikenn ki pe pous bann dimounn pou fer move kitsoz?​—Lir 1 Zan 5:19.

Eski Bondie inn kree bann dimounn avek tandans pou fer seki move? Non, Zeova inn kree bann dimounn dan so resanblans, avek tandans pou imit so lamour. (Zenez 1:27; Zob 34:10) Me Bondie finn osi donn bann imin enn gran loner kan Li’nn donn zot liberte pou swazir. Kan nou premie paran inn swazir pou fer seki move, zot pa’nn imit lexanp Bondie ek zot inn vinn inparfe. Ek se ar zot ki nou’nn erit tandans pou fer pese.​—Lir Deteronom 32:4, 5.

Bondie anvi ki nou reziste kont nou bann move tandans. (Proverb 27:11) Alor, Li ansegn nou kouma pou evit fer seki move ek kouma pou trouv vre boner. Me kanmem sa, azordi nou pa kapav imit Bondie so lamour dan enn fason parfe.​—Lir Psom 32:8.

Mem si azordi lemal pe ogmante, Bondie pe permet sa pou enn sertenn tan pou ki nou tou kapav trouv bann move konsekans ki sa ena. (2 Pier 3:7-9) Selman, biento later pou ranpli avek bann dimounn ere ki obeir Bondie.​—Lir Psom 37:9-11.