An 2024 nou pou trouv enn rekor eleksion ki pou ena dan lemond antie. Me selman, bann dimounn pe perdi konfians dan bann politisien.

•   Pandan enn sondaz laplipar Amerikin ti dir ki “preske tou bann politisien motive par bann rezon ki egois” olie ki zot ena lanvi pou ed bann dimounn. a​—Pew Research Center, 19 Septam, 2023.

 Boukou bann zenn pa fer konfians bann politisien.

•   “Bann adolesan anvi gagn solision ar bann problem ki ena, me dan enn sondaz zot inn dir ki bann politisien pa gagn zot traka.”​—The New York Times, 29 Zanvie, 2024.

•   “Dapre enn resers boukou zenn fer plis konfians bann Youtubers ki bann politisien.”​—The Korea Times, 22 Zanvie, 2024.

 Eski nou kapav fer konfians bann politisien pou nou lavenir? Kisann-la ki nou kapav fer konfians?

 Bann dimounn ena rezon pou fer atansion ar kisann-la zot fer konfians. Labib dir ki “enn dimounn naif krwar tou seki li tande, me enn dimounn ki ena enn bon zizman reflesi bien lor sak pa ki li fer.”​—Proverb 14:15.

•   Pou gagn bann tips lor kouma zot kapav protez zot kont bann fos linformasion, get lartik “Protégez-vous de la mésinformation.”

 Anplis, mem bann politisien ki onet ek ki ena bann bon lintansion zot limite dan seki zot kapav fer. Akoz samem Labib dir:

•   “Pa fer konfians bann dirizan imin; imin pa ena pouvwar pou sov nou.”​—Psom 146:3, Psom an Kreol Morisien, PKM.

 Labib explike ki Bondie inn swazir pli meyer dirizan ki nou kapav fer konfians: Zezi Kris. (Lik 1:32, 33) Zezi Lerwa dan Rwayom Bondie, enn gouvernman ki dirize depi lesiel.​—Matie 6:10.

•   Aprann kouma nou kapav fer Zezi konfians ek kouma li pou regle tou bann problem ki nou pe gagne. Lir bann lartik “Kisann-la Lerwa dan Rwayom Bondie?” ek“Ki Rwayom Bondie pou Fer?”