KONTIGN VEYE!
Bann Kretien ek Lager—Ki Labib Dir Lor La?
Kouma lager dan Likrenn pe montre, boukou sef relizie Kretien pe ankouraz bann dimounn pou lager. Gete seki zot finn dir pou montre ki zot pe soutenir sakenn so kote:
“Nou donn enn gran loner ek remersiman tou nou bann solda ki pe defann zot pei Likrenn kont zot lennmi. . . Nou leker, bann lapriyer sinser, ek nou soutien pou touletan avek zot.”—Metropolitan Epiphanius I dan Kiev, kouma finn pibliye dan The Jerusalem Post, 16 Mars 2022.
“Dimans, sef Legliz Ortodox Larisi ti fer enn lames spesial pou ankouraz bann solda pou defann zot pei parey ‘kouma zis bann sitwayin Larisi kapav fer’ amezir ki Moscou pe kontign so kanpagn militer dan Likrenn.”—Reuters, 3 Avril 2022.
Eski bann Kretien bizin partisip dan lager? Ki Labib dir lor la?
Ki Labib dir vremem lor la
Labib montre ki bann dimounn ki vremem swiv Zezi Kris pa partisip dan lager.
“Met to lepe dan to fouro parski seki servi lepe pou mor ar lepe.”—Matie 26:52, Nouvo Testaman Dan Kreol Morisien, NTKM.
Eski enn kikenn ki aksepte ouswa al lager pe vremem obeir bann parol Zezi?
“Mo donn zot enn komannman nouvo: kontan zot kamarad, parey kouma mwa, mo kontan zot. Zot bizin kontan zot kamarad. Si zot ena lamour pou zot kamarad, tou dimoun pou kone ki zot mo disip.”—Zan 13:34, 35, NTKM.
Eski enn kikenn ki soutenir lager pe montre sa kalite lamour ki pou idantifie bann disip Zezi ouswa bann ki pe swiv li?
Pou konn plis lor la, lir lartik « Peut-on concillier guerre et christianisme ? »
Bann Kretien ek lager azordi
Eski li normal ki bann Kretien pa partisip dan bann lager azordi? Wi. Labib ti predir ki dan nou lepok, enn lepok ki apel “peryod final bann zour,” ti pou ena bann dimounn dan tou nasion ki pou “nepli aprann lager,” parey kouma Zezi ti ansegne.—Izai 2:2, 4.
Pou konn plis lor la, get lartik Latour Degard “Ki Bondie Panse lor Lager?”
Biento Zeova, a “Bondie lape,” pou servi so gouvernman ki dan lesiel pou delivre bann dimounn ar bann ki pe “fer dominer ar zot ek li pou tir zot dan violans.”—Filipien 4:9, NTKM; Psom 72:14.
Pou kone kouma sa pou arive, get video Ki Ete Rwayom Bondie?
a Zeova, se nom Bondie.—Psom 83:18.
Ena Osi
KONTIGN VEYE!
Bann Relizion ek Lager dan Ikrenn—Ki Labib Dir Lor La?
Bann sef Legliz dan toulede kan pe servi zot pouvwar dan bann fason bien diferan ar seki Zezi ti ansegn so bann disip.
ESSENTIAL BIBLE TEACHINGS
Kifer Bondie Permet Soufrans?
Boukou dimounn demann zot kifer ena sa kantite laenn ek soufrans la. Labib donn nou enn repons lozik ek rekonfortan.
