“Bann problem lasante mantal parmi bann zenn, se enn kitsoz bien inportan ek ki bizin regle vit. Bann rezo sosio zot enn parmi bann rezon inportan kifer sa pe arive.”​—Dr. Vivek Murthy, reprezantan minister lasante dan Lamerik, New York Times, 17 Zin 2024.

 Kouma bann paran kapav protez zot zanfan kont bann danze ki ena lor bann rezo sosio? Labib donn bann konsey pratik ki kapav ede.

 Anou get sa bann prinsip Labib la.

 “Enn dimounn ki ena enn bon zizman reflesi bien lor sak pa ki li fer.”​—Proverb 14:15.

 Bann rezo sosio kapav ena enn linflians negatif lor to zanfan. Alor, pa panse ki to oblize les zot servi sa. Avan ki to donn to zanfan permision pou servi bann rezo sosio, fer sir ki li ena ase matirite pou ki li respekte to bann reg konsernan ki kantite letan li kapav pase lor la, ena bann bon kamarad, ek rezet bann move kitsoz ki ena lor bann rezo sosio.

•   Pou aprann plis, lir bann lartik “Enfants et réseaux sociaux (partie 1) : Mon enfant devrait-il utiliser les réseaux sociaux ?” ek “Enfants et réseaux sociaux (partie 2) : Protégez votre adolescent des dangers des réseaux sociaux.”

 “Servi zot letan dan meyer fason posib.”​—Efezien 5:16.

 Si to les to zanfan servi bann rezo sosio, fixe bann reg lor kouma li pou servi zot ek explik li kouma sa bann reg-la pou protez li. Obzerv bien bann sanzman dan so konportman. Sa kapav ed twa pou kone si to bizin fixe bann limit lor kantite letan ki li pase lor bann rezo sosio.

•   Servi Ti-komik lor Tablo Fer Atansion lor Bann Rezo Sosio pou ed to zanfan konpran kifer li inportan pou fixe bann limit kan li pe servi bann rezo sosio.

 Labib dir ki nou pe viv dan “bann lepok kritik, difisil pou siporte.” (2 Timote 3:1-5). Anmemtan, li donn nou bann konsey pratik ki pou ed nou fer fas ar sa. Ena plis ki 20 lartik ki baze lor Labib pou bann paran ek bann zanfan dan lartik Bann Adolesan Pe Gagn Pli Boukou Problem Lasante Mantal​—Ki Labib Dir lor La?