KONTIGN VEYE!
Kifer Politik Diviz Bann Dimounn Sa Kantite-La?—Ki Labib Dir lor La?
Partou atraver lemond boukou nasion divize lor plan politik. Dapre enn sondaz ki Pew Research Center inn fer an 2022, “65% bann adilt dan 19 diferan pei dir ki dan zot pei, ena bann gran dezakor parmi bann dimounn ki soutenir bann diferan parti politik.”
Eski ou finn remarke ki bann dimounn kot ou reste zot deplizanpli divize akoz politik? Kifer sa? Eski ena enn solision? Anou gete ki Labib dir.
Bann latitid ki kree divizion
Labib ti anonse ki dan nou lepok, setadir “bann dernie zour,” boukou dimounn ti pou ena bann latitid ki ti pou rann sa bien difisil pou ki zot res ini.
“Dan bann dernie zour pou ena bann lepok kritik, difisil pou siporte. Parski bann dimounn pou kontan zotmem, . . . pa pou dakor ant zotmem.”—2 Timote 3:1-3.
Mem si boukou dimounn fer boukou zefor, bann gouvernman gagn difikilte pou travay kouma bizin. Bann dimounn ki ena bann lopinion diferan trouv sa difisil, mem inposib, pou travay ansam pou regle bann problem. Bann rezilta konfirm seki Labib ti dir depi bien lontan.
“Dimounn inn dominn dimounn pou so maler.”—Ekleziast 8:9.
Selman, Labib donn enn solision—enn gouvernman ki dirize par enn kikenn ki kapav eliminn bann problem ki pe fer bann dimounn soufer azordi.
Enn sef kalifie ki interese ar bann dimounn
Labib koz lor enn sef ki zis li tousel kalifie: Zezi Kris. Zezi ena pwisans, lotorite, ek dezir pou fer tou limanite viv dan linite ek dan lape.
“Pandan so regn, bann dimounn ki zis pou fleri, ek pou ena lape an-abondans.”—Psom 72:7.
“Tou bann tribi pou servi li.”—Psom 72:11, Psom an Kreol Morisien, PKM.
Zezi li enn sef parfe parski li interese ar bann dimounn ek li anvi ed zot, sirtou bann ki’nn konn linzistis.
“Lerwa donn sekour bann pov ki vinn get li ek bann malere gagn so led. Li pitie bann pov ek bann feb; li sap lavi bann ki bizin led. Li anpes dominer fer bann feb ek pov pas mizer.”—Psom 72:12-14, PKM.
Aprann plis lor Rwayom Bondie, gouvernman ki dan lesiel ki Zezi dirize. Gete kouma ou kapav gagn bann bienfe ek soutenir so regn.
Get video Ki Ete Rwayom Bondie?
Get lartik “Rwayom Bondie—Enn Gouvernman kot Pena Koripsion.”
Ena Osi
REPONS POU BANN KESTION BIBLIK
Ki Sign “Bann Dernie Zour,” Ouswa “Lepok Lafin”?
Labib koz lor diferan kitsoz ki ti pou arive anmemtan. Tou sa bann kitsoz-la ti pou enn “sign” bann dernie zour.
LANSEGNMAN LABIB KI INPORTAN
Rwayom Bondie Inn Koumans Regne an 1914
Inn gagn plis ki 2,600 lane depi ki Bondie finn fer enn lerwa bien pwisan gagn enn rev profetik ki pe realize azordi.
LATOUR DEGARD
Kisannla Lerwa dan Rwayom Bondie?
Bann ekrivin Labib ti ekrir bann detay pou ki nou kone kisannla ki pou Lerwa dan Rwayom Bondie. Ena enn sel dimounn ki koresponn exakteman ar tou sa bann detay-la.
KISANNLA NOU ETE?
Demann enn Vizit
Gagn repons enn kestion dan Labib, ouswa aprann plis lor bann Temwin Zeova.
