KONTIGN VEYE!
Lavi Inn Vinn Bien Ser dan Lemond Antie—Ki Labib Dir lor La?
An Zin 2022, dan enn rapor, ki prezidan Labank Mondial ti dir: “Lekonomi mondial ankor enn fwa an danze. Pri bann kitsoz pe bien ogmante ek anmemtan bann dimounn ena mwins kas pou viv.”
Fond Monétaire International dir: “Pri lesans ek manze inn bien monte, ek sa pe afekte bann dimounn ki res dan bann pei pov.”
Labib explik nou kifer nou pe gagn sa bann problem ekonomik la, kouma nou kapav fer fas ar sa, ek ki solision ena pou sa problem-la.
Pandan “bann dernie tan,” pri pou ogmante
Labib dir ki nou pe viv dan “bann dernier tan.”—2 Timote 3:1.
Zezi ti dir ki dan bann dernier tan, pou ena “bann gran sign terifian,” ouswa bann levennman ki fer per. (Lik 21:11) Bann pri ki pe kontign ogmante kapav fer per. Bann dimounn bien trakase pou lavenir zot fami tansion zot pa kapav donn zot fami seki zot bizin.
Liv Revelasion ti predir ki pri manze pou ogmante dan sa lepok-la. Revelasion 6:6 dir: “Mo tann koumadir enn lavwa . . . li ti dir, ‘Enn mezir dible pou enn denie [setadir lapey enn zourne] e trwa mezir lorz pou enn denie.’”
Pou aprann plis lor “bann dernie tan” ek bann profesi ki ena dan liv Revelasion, get video Lemond Finn Sanze Depi 1914 ek lir lartik “Kat Kavalie Apokalips—Ki Zot Reprezante?”
Solision pou tou bann problem ekonomik
“Zot pou ranz bann lakaz ek zot pou res ladan, zot pou plant bann karo rezin ek zot pou manz zot bann frwi. Zot pa pou ranze pou ki enn lot reste, ni zot pou plante pou ki enn lot manze.”—Izai 65:21, 22.
“Pou ena sereal an-abondans lor later; lao lor bann montagn, pou ena enn gran labondans.”—Psom 72:16.
“LESEGNER dir, “Parski bann pov pe soufer; bann oprime pe plor zot maler.”—Psom 12:5, PKM.
Biento, Bondie pou fer bann problem ekonomik disparet, pa zis dan enn pei me dan lemond antie. Pou kone kouma Li pou fer sa, get lartik « Peut-on espérer un système économique plus juste ? »
Labib kapav ed nou pou fer fas ar bann pri ki pe ogmante. Kouma li kapav fer sa? Dan Labib, ena bann konsey pratik lor kouma nou kapav servi nou larzan avek sazes. (Proverb 23:4, 5; Ekleziast 7:12) Pou aprann plis lor la, lir lartik “Zer Bien Ou Kas” ek « Comment vivre avec moins. »
Ena Osi
REPONS POU BANN KESTION BIBLIK
Ki Sign “Bann Dernie Zour,” Ouswa “Lepok Lafin”?
Labib koz lor diferan kitsoz ki ti pou arive anmemtan. Tou sa bann kitsoz-la ti pou enn “sign” bann dernie zour.
KISANNLA NOU ETE?
Kifer Li Bon Etidie Labib?—Long Version
Labib pe donn bann milyon dimounn partou dan lemond bann repons konsernan bann kestion inportan dan lavi. Eski ou ti pou kontan gagn sa bann repons-la ou osi?
KISANNLA NOU ETE?
Demann enn Vizit
Gagn repons enn kestion dan Labib, ouswa aprann plis lor bann Temwin Zeova.
