De prizon Palm Beach County dan Florid ti zwe diskour Memoryal ki ti deza anrezistre alavans pou plis ki 1,100 prizonie le 7 Avril, mem si okenn Temwin Zeova pa ti kapav al dan sa bann prizon-la pou fer diskour Memoryal.

Enn parmi bann 12 frer ki toule semenn al dan bann prizon pou ansegn lezot lor Labib ti dir: “Nou ti etone kouma tou ti pas bien. Li ti kler ki Zeova ti anvi ki sa bann dimounn-la ekout diskour Memoryal.”

Bann frer finn demann responsab prizon permision pou kapav selebre Memoryal dan sa de prizon la. Me kan bann gouvernman inn met bann restriksion akoz COVID-19, bann frer pa’nn reisi vini pou fer diskour Memoryal. Avan mem ki bann frer rod enn lot solision, responsab prizon la finn demann zot lanrezistreman diskour Memoryal. Li ti deza pe fer bann laranzman pou zwe sa diskour-la dan toulede prizon.

Anplis ki zot ti donn sa video-la, bann frer ti desid pou donn responsab prizon la bann linvitasion Memoryal pou donn sa bann prizonie ouswa pou afis sa dan bann prizon. Me ankor enn fwa, san ki zot atann, responsab prizon la finn deza met bann lafis konsernan diskour Memoryal partou dan bann batiman-la. Le 7 Avril, sak prizonie ki ti anvi ti kapav swiv diskour Memoryal.

Apre Memoryal, responsab prizon la ti kontakte bann frer pou demann zot amenn plis Labib pou bann prizonie. Zot ti fini partaz bann Labib ki bann frer ti kite dan sa de prizon la. Anplis, pli boukou prizonie ti pe demann pou gagn enn Labib.

Nou kontan pou trouve ki mem bann baro enn prizon pa kapav anpes bann dimounn tann Parol Bondie.​—Matie 24:14.