BAN TEB NIIB NAAN I ban man g danm nba g yiɛlu lann i kaa mabl tu kpil g baal b po, kukua yaa tebd n be l buol.

KINKAANBUOL I tiɛn man g lieb be. I tiɛn man k i ŋaag n yab yen danm nba k i taan g kua lol g baal, lann i kaa danm nba k i tien’m Biibl tundl kukua i k i bu fid g tenn’b yiɛl. T miɛd’i k yin daa tu tug bona g maan kinkaani nba po k i g tenn i niib.

NINJANM NBA GAAN SAANM Ninjanm nba gaan saanm be k ban tod’i ni. Lann, t miɛdi k yin tu tuo g tien ban maad’i yal nba kul. B gii yed k yin sen i pepebl lann i kaa i lol naan buol, yin sen l buol. B gii yeg k yin tɔgn naan lann i kaa g kaln naan, yin tuo g tien nnyan, lan te bona n ŋanm g sonm tintaanciɛɔnŋ ne ninŋ.

NYUNWULU L gii g tie k b lebd bona i kaa, danm nba bu wul nyum kinkaanbuol be liig i g kpiɛ yen naan g ninjanm nya g tien laabaal. Sibd daal siŋaaɔg n ninŋ, l bual g danm nba kul bu wul nyum n kaln l buol yo nyunwulu laabaal n fid g cil. Sua kul n baal yen pipaaɔg yen tiɛd nba k u bu liɛ ban wul’o nyum.

PAAB PINU T nyan ligli bonciɛnn i g ŋanm g bobn tintaanciɛɔnŋ ne, g la kogi nba dagd k i bu kal l po, g bobn yal bu te yin ŋanm g cenŋ laabaal, g diid fiidio-nba. T biɛ sun tuona bonciɛnn g pugn k l te k t bu ŋanm g cenŋ tintaanciɛɔnŋ ne tunda, lan tod’ti tin ŋanm g nagn t Yendu Jeofa. Paab nba k i piin n tod k t bobn l tintaanciɛɔnŋ g biɛ fid g suun tuonfana ŋanduna n ninŋ kul. G fid lan daa paa yab bua ban pi paab po, t sen kpagd k i bu fid g kpien i paab l n ninŋ. I biɛ bu fid g gad donate.pr418.com po g pi i paab. Jeofa Sieda-nba liig yab pala man yin piin paab nba kul po. B tiend’i balg bonciɛnn yen yin piin paab k l tod g Yendu Diem tuona saa liig.

YAB BUA BAN SUN TUONN A gii bua ŋan sun tuonn tintaanciɛɔnŋ ne ninŋ, t miɛd’a k ŋan gad g la ninjanm nba be naan k b gaan yab bua ban sun tuonn buol.

YAL NBA BOD YEN BAN GANN YAL T miɛd’a sugl, a gii gann bonn, g g ban yua yen, tug g gad yen danm nba suun naan k b diɛn bona nba bod yen ban gann yal buol. Lann i kaa l gii tie k a bonn bod, ŋan gad l buol g maad yal nba bod. Big mɔ gii sied g fagd u danm buol k a cend’o, ŋan tug’o g gad yen’o l buol. G fid l yanbani n daa baal, bidannm, t miɛd’i k yin ŋanm gii nyuan i bid ban daa fagd i buol.