“Dond man Jeofa yinm u malɛg-nba kul, yinm nba gbie yen paalu.”—Biɛyani 103:20—Traduction du monde nouveau (MN)

Malɛg-nba tie b lɛ i?

• Sɔb 38:4-7

  Jeofa tag malɛg-nba yo g fid g tag tinŋ.

• Dɔgdu 5:11

  Malɛg-nba nba be cie miiliɛɔnŋ kobg.

• 1 Piɛr 1:11,12

  Hal cilyoug saa yen mɔlane, Jeofa n puon puoni nba k l nyuan tinŋ mɔn malɛg-nba po.

• Luk 15:10

  Malɛg-nba bua danm-nba tie Jeofa buam bonciɛnn.

“Jeofa malɛg sie g guu danm-nba jie’og kul, g biɛ nyanŋ’b maba n ninŋ.”—Biɛyani 34:7

Bɛ n ŋɔnŋ g malɛg-nba bu fid g tod niib i?

• Cilg 19:15,16; Daniɛl 6:22 (MN); Luk 22:43; Tuona 12:6-11

  Malɛg-nba bo tod Lɔt, Daniɛl, Yiesu, yen Piɛr.

• Ebro-nba 1:7, 14

  Dinne, Jeofa suun u malɛg-nba k b tod u tuonsunna g biɛ guu’b.

“K tin daa ŋaa Sitaan n liid g janm’ti, g dugn t ban u ninfantuona po.”—2 Korɛnt Kristo-yab 2:11

B lɛ n tie sanpola i? Bɛ po n te k l bual k tin suol t kua yen’m i?

• Dɔgdu 12:9

  Malɛg nne bo yie g g cenŋ Jeofa. U sann n nyan Sitaan.

• Cilg 6:2

  Nowe youg, malɛg-nba ninŋ, siɛb bo yie Jeofa maam g jiid tinŋ po.

• Matieog 9:34

  L malɛg-nba n bo ŋuan Sitaan, b yi banm i sanpola.

• Deteronɔnm 18:10, 11

  Sanpola kpaan g ban tien ban bu fid g tien yal nba kul g bɔnd niib, g biɛ kuan’m naan yiɛb.

‘Yie man Sitaan k wan san g fagd yen’i’—Saak 4:7

Nle i g Jeofa bu fid g tod’a ŋan kɔn yen Sitaan yen u sanpola i?

• Tuona 19:19

  San man bona nba bu fid g taan’i yen sanpola. Biɛ suol man i kua yen tuona lann i kaa jinjelug nba ninŋ k b kub belbɔnd yen sanpola k l tie nyan sɔgda bona nyan.

• Efɛs Kristo-yab 6:16,18

  I lii Biibl g biɛ gii tugd ŋan banŋ yal g suun yen tuonn a binbem n ninŋ k a dindann Jeofa n ninŋ n ŋanm g kpaad. Biɛ jaand g miɛl’o k wan gii guu’a.

• Makpanjam 18:10

  A jaandi n ninŋ, i taan Jeofa sann.