“Bignn gii baal nil, wan daa tua g Yendu n bign’o. G dugn siɛl kan fid g bign Yendu wan tien bonbiil, Yendu mɔ biɛ g bignd sua.”—Saak 1:13

Bɛ po n te g cicagm mand g yabd ŋanduna n ninŋ i?

• 1 San 5:19

  Sitaan n tie ŋanduna ne bad.

• Eklesiast 8:9—Traduction du monde nouveau (MN)

  Niib n baad yen b lieb cicagm.

• Eklesiast 9:11 (MN)

  Siɛnyoug niib tu baa cicagm n ninŋ g dugn b tu sie naan buol nba g yubɔnn bo bu baal i.

• 1 Piɛr 5:7

  Jeofa mɔg buam bonciɛnn niib po. U g bua ban gii cagn.

“Yendu ban k. . . i ninbina bu luod, yin ji fand nyan wano Yendu nyan, gii ban bonŋann yen bonbiil.”—Cilg 3:5

Bɛ po i g Sitaan jagm bo biil Jeofa pal i?

• Cilg 3:2-5

  Sitaan bo jalg Yendu k u g kub ŋanduna nyan lan bual nand. U bo bua niib n gii mali k banm mɔno bu fid gii ban yal ŋan yen yal g ŋan b po.

• Dɔgdu 5:11

  Sitaan bo jalg Jeofa malɛg-nba bonciɛnn nunŋ n ninŋ i.

“L g cab g nil nba sonm n gii ŋmagd u titala.”—Seremi 10:23 (MN)

Bɛ po n te g nifoi cicagm wai nnyan i?

• Esaayi 55:9 (MN)

  Niib bign gobna buoli buoli, ama b gii g mɔg Yendu todl, b bɔnd b kua i.

• 2 Piɛr 3:9, 10

  Jeofa mɔg pasɔnŋl, l po n te k u tie’ti yaanm k tin banŋ g bann’o g biɛ tuo u bal.

• 1 San 3:8

  Jeofa bu te Yiesu n ŋanm Sitaan n sun tuonbiid nba kul.

“N big, i ceg g manŋ n pal, nnyan i k n bu fid g ŋmiɛn yua nba kpaan’n maam.”—Makpanjam 27:11 (MN)

Bɛ po i g Jeofa g niind’ti k tin dond’o i?

• Makpanjam 30:24 (MN)

  Bonkobd tie nand nba g Yendu tag’b g ban gii tie i, ama niib nuan Jeofa cab’b k ban jag b yul po jaga. Nnyan t bu fid g jag k t bu dond Jeofa lann i kaa k t kan dond’o.

• Matieog 22:37, 38

  Jeofa bua tin gii dond’o g dugn t bua’ɔg u.