“I cenŋ man min maad’i yal nba g fid min te i Yendu, yin mɔ ń te n buolu.”—Seremi 7:23—Traduction du monde nouveau (MN)

Nil bu fid g suol dɔnnu yen Yendu uu?

• Cilg 22:18; Saak 2:23

  Abraham bo te Jeofa dɔnn k l maa u bo cenŋ Yendu g biɛ tien u dindann u ninŋ.

• 2 Kroniik 16:9 (MN)

  Jeofa bu tod danm nba cenŋ u maam.

• Biɛyani 25:14; 32:8

  Jeofa tod u dɔnn-nba k b gbiɛ bona niimn.

• 1 Piɛr 5:7

  Jeofa tod u dɔnn-nba youg nba k b be maba n ninŋ.

“Yen l kul Sɔb bo g tien baa siɛl yaa biid, u biɛ bo g jalg Yendu.”—Sɔb 1:22 (MN)

Nle i g Sitaan bo bign sɔb i? Sɔb bo tien nle i l youg u?

• Sɔb 1:10, 11

  Sitaan bo maad g Sɔb pug Yendu g dugn mɔgm nba g Yendu tie’og po i; k l g tie k u bua Yendu yen mɔni kaa.

• Sɔb 1:12-19; 2:7

  Jeofa bo cab Sitaan k u biɛn Sɔb bona kul. Sitaan biɛ bo luul Sɔb yiɛlbiig nne.

• Sɔb 27:5

  Sɔb bo g ban yal po te k u cagn l cicagbuolu, ama yen l kul u bo g biil Jeofa sann.

“Nil n mɔg yal nba kul, u bu tug g fiel u miɛl i.”—Sɔb 2:4

Nle i g Sitaan kpaan k wan biil tinm yen Jeofa dɔnnu i?

• 2 Korɛnt Kristo-yab 11:14

  Sitaan kpaan k wan tud’ti tin daa cɔln Jeofa i.

• Ebro-nba 12:3

  U bua wan tud’ti tin gii mali k t g dagd yen tin dond Jeofa i.

• 1 Piɛr 5:8

  Sitaan cagn’ti.

• Makpanjam 27:11

  I kpaan man yin cɔln Jeofa g biɛ gii tie u buam youg kul. Nnyan i k i bu ŋɔn g Sitaan tie faaɔgdaan.

“Tin bu ŋɔn nand k t bua Yendu tie k tin cɔln u mɔmaam i”—1 San 5:3

A bu tien nle i g te Jeofa dɔnn i?

• Matieog 22:37

  Ŋɔn k a bua Yendu, l buam n bu tod’a ŋan cɔln u maam.

• Esaayi 48:17, 18 (MN)

  A gii cɔln Jeofa maam, l tie a yaa ŋanm i.

• Deteronɔnm 30:11-14 (MN)

  Jeofa kan ban g bual’a yal nba cie a paalu.

• Filiip Kristo-yab 4:13

  A gii tie yal ŋan, Jeofa bu te’a paalu.