‘L po n te k n gbaand t baa Yendu nintual n ninŋ, wano nba tie yab nba be polu po yen yab nba be tinŋ n ninŋ lann i kaa ŋaadi nba be tinŋ n ninŋ kul baa.’—Efɛs Kristo-yab 3:14,15

Bɛ n bu fid g baal yen pamann i ŋaag n i?

• Cilg 1:26-28

  Jeofa n tag ŋacincinn.

• Efɛs Kristo-yab 5:1, 2

  G fid pamann n gii be ŋaag n ninŋ, l bual g ŋaag n yab kul ń togd Jeofa yen Yiesu i.

“Puodaan kul ń gii bua u puo nyan u kua nyan. Puo kul ń mɔ ń gii cɔln u sal.”—Efɛs Kristo-yab 5:33

Jua yen u puo baa be yen lieb nle i?

• Efɛs Kristo-yab 5:22-29

  Jua n tie ŋaag canbaa. L bual g jua ń gii bua u ŋaapuo, g puo mɔ ń gii tod u sal u jaga n ninŋ.

• Kolɔs Kristo-yab 3:19, 1 Piɛr 3:4

  L bual jua yen puo ń gii kub b lieb yen Yanfuom, g biɛ gii cɔln b lieb.

• 1 Piɛr 3:1, 2, 7

  Jua yen u puo baa pag b lieb, g biɛ gii mɔg cɔlnn b lieb po.

• 1 Timote 5:8; Tiit 2:4, 5

  L bual g jua ń ŋanm g kub u ŋaag n yab ŋanu. Puo ń mɔ ń ŋanm g nyuand u ŋaag yab n.

“Daa tie man i bid yal nba bu nyan b yanm, b pala ń be i po. I kub’b man gii tie’m cegli g ŋmagd’b nyan Yonmdaan n bua nand nyan.”—Efɛs Kristo-yab 6:4

Bidanm tuonn tie bɛ i?

• Efɛs Kristo-yab 6:4; Cilg 18:19

  L bual yin tu tug yaam i g tod i bid ban bann Jeofa n tie yua nba. Cil man b tundl youg nba k b daa tie binyidi. I ŋua’b man suoo suoo saa yen youg nba k b tan bu bann Jeofa g te u dɔnn.

• 1 Piɛr 5:8

  Banŋ a bid ban bu tien nand nba g lɔgl danm nba niind bid g dua yen’m.

• Seremi 30:11—Traduction du monde nouveau (MN); Ebro-nba 12:9-11

  I cegi a bid; ama lan daa tie yen mutuol lann i kaa yen tonu.

“Yinm bid, i cɔln man i danm .”—Efɛs Kristo-yab 6:1

Yinm bid, bɛ po i k l bual k yin gii cɔln i danm i?

• Makpanjam 23:22-25; Kolɔs Kristo-yab 3:20

  Cɔlnn nba k i mɔg i danm po bu manŋ Jeofa yen i danm mɔno yaa pala.

• 1 Korɛnt Kristo-yab 15:33

  Suol man dɔnnu yen danm nba bua Jeofa. Nnyan, l kan gii paa i po yen yin gii tie yal nba ŋan.