“Dimɔb nba yiɛb yen sɔnu nba nyid n saa g kua miɛl nba kan ban g gbenn buol. Yab yen tɔg l sɔnu g yab”—Matieog 7:14

Bɛ n ŋɔnŋ g Yendu g bua jaandbuoli kul i?

• Matieog 7:21-23

  Jaandi kul kaa g Yendu bua k l maa jaandi kul kaa tie u buam.

• Matieog 7:13, 14

  Yab kua jaandi nba g Yendu bua tan bu la miɛl nba kan ban g gbenn, ama yab kua faaɔg jaandi nuan tan bu biɛl.

• Matieog 7:16, 17

  A gii bua ŋan bann jaandi nba g Yendu bua, i nyuan yab nba saa l jaandi bontitied. L g bual k ŋan kua jaandbuoli kul kaa yo g fid g bann jaandi nba g Yendu bua. Banŋ Biibl n tund yal nba g fid g bann jaandi nba tiend Yendu buam.

• 1 Tɛsaloniik Kristo-yab 2:13; 2 Timote 3:16, 17

  Biibl n maad yal kua i k a bu tuo g gaal k l tie mɔni, lann i k a biɛ baa tund lieb.

• Matieog 4:10; San 17:6

  I pug Jeofa g biɛ gii taan u sann.

• San 13:35

  I bua man lieb yen i pal kul.

• San 3:36; Tuona 4:12

  Cɔln Yiesu, g dugn Yendu tug wano i g fiel’ti.

• San 18:36; Tuona 5:29

  Daa kuand a kua ŋanduna ne kpanbala tuona nba k b yi politiig nyan ninŋ.

• Matieog 24:14; 6:10

  Tod lieb k ban bann g Yendu Diem kua n bu fid g nyan’ti maba kul n ninŋ.

L bual k ŋan tien bɛ i Yendu n fid g gaal a jaandi i?

• Saak 2:19

  A gii tuo g gaal g Yendu yeno kua n be , l g dagd, i tie Biibl n maad yal mɔ.

• Dɔgdu 18:4; 17:5

  Biibl yi faaɔg jaandi i Babilɔnn bonciɛɔng. B fa faaɔg bonciɛnn Yendu po. B tund niib g Yendui bantaa n taan g tie Yendu yenn, b yi l tundl “Trinité”. B fa g nalnŋ g kpenn. B biɛ fa g Yendu bu lu nibiɛda muu nba kan ban g junn n ninŋ. L kul ne po n te g Yendu g gaan b jaandi.

• Dɔgdu 18:4, 8

  L ji kan wai yen Jeofa n biɛn faaɔg jaandi kul. L po n te k l mɔn k ŋan nyan a tiɛd n ninŋ faaɔg jaandi bona kul.

• Mark 10:28-30

  A gii ŋaa faaɔg jaandi, niib bu fid g yie’a, ama Jeofa nuan kan ban g nyɔl’a.