17. Jaandi Tie Ŋalbalg i
1 JEOFA BUA WAN CENŊ T JAANDI
‘T gii miɛl yal nba kul, t bu la k l maa t kub u mɔmaam t pala n ninŋ g biɛ tie wan bua yal.’—1 San 3:22
T bu tien bɛ i t gii bua Jeofa n cenŋ t jaandi i?
-
L bual k tin gii dug Yendu po i.
-
L bual k tin gii mɔg jiin-n-kua yen cɔlnn i.
-
Tin mɔnd t bontitied ń gii tuag yen t jaandi.
-
L bual k tin tu jaand Yendu yen papienn i, g biɛ gii maad’o yal be t pala n ninŋ. T jaandi n ninŋ, tin daa tu maad g led bonyenn kua.
Esaayi 1:15—Traduction du monde nouveau (MN)
Tin mɔnd t binbem ń gii tuag yen Yendu buam.
2 BUALI NBA G NIIB PAA G BUAL JAANDI PO
T baa jaand ŋmaa i?
Sinsienlann po i k t baa mɔg youg nba k t jaand Yendu i?
1 Kroniik 17:16 (MN); Nehemi 8:5, 6 (MN); Luk 22:41; Mark 11:25
Jeofa cenŋ t pal n jaandi ii?
Nehemi 2:1-6 (MN)
T tu bu tug youg munŋaa i g jaand Yendu i?
1 Samiɛl 1:12, 15 (MN); Luk 20:46,47
T tu bu jaand taal munŋa i daal n i?
Bɛ po i k t gii jaand g gbenn youg nba k t tu maad g “ami” i?
3 T BU MAAD YENDU BƐ I T JAANDI NINŊ I
“T ban k t gii miɛl’o bonn nba dagd yen u buam, k u cenŋ’ti.”—1 San 5:14
T bu fid g jaand Yendu g miɛl’o bɛ i?
-
T bu fid g Jaand g miɛl’o u buam ń tien.
-
T bu fid g jaand g tien Yendu balg.
-
T bu fid g jaand g miɛl’o tin bua yal g biɛ maad’o yal tie t pakɔnn.
-
T bu fid g jaand g miɛl Yendu wan te’ti u foŋanm.
-
T bu fid g jaand g miɛl Yendu k wan te’ti u yanfuom tin fid g jag jaga nba ŋan.
-
T bu fid g jaand g miɛl Yendu k wan te’ti paalu tin fid gii mɔg juunn maba n ninŋ.
-
T bu fid g jaand g miɛl’o k wan di sugl t biid po.
-
T bu fid g jaand t lieb po.
4 JEOFA TIEN’TI TIN JAAND G MIƐD’O YAL
“T ban k t gii miɛl’o bonn nba k l dagd yen u buam, k u cenŋ’ti.”—1 San 5:14
Nle i g Jeofa ŋmiɛnd t jaandi i?
1 Tɛsaloniik Kristo-yab 5:11; Dɔgdu 14:6
Jeofa bu fid g sun u malɛg-nba lann i kaa u niib ban tod’ti.
-
U foŋanm tien’ti tin bua todl nba.
-
U tien’ti yanduanm yen paalu nba bu fid g tod’ti tin gii mɔg juunn t maba n ninŋ.
Galasi Kristo-yab 6:1; 2 Timote 3:16, 17
U tugd Biibl yen u tintaancagl i g tien tinm yanfuom.