“Nyum n nyan, bɛ n biɛ pɔd yen ŋan wul’n i?”—Tuona 8:36

Bɛ po i k l bual k ŋan wul Yendu nyum i?

B wuul Yendu nyum nle i? A gii wul Yendu nyum, a ŋɔn k a ŋaa a binbekpel g ji cil binbepaann g baa tie Yendu buam.

• Matieog 28:19, 20

  A gii bua ŋan tien Yendu buam, l bual k ŋan wul Yendu nyum i.

• Biɛyani 40:8—Traduction du monde nouveau (MN)

  A gii wul Yendu nyum, a ŋɔn lieb k a bua ŋan tien Yendu buam i.

• Matieog 3:16

  B bu nyua’a nyum n ninŋ i, a gbannand kul n jiid nyum n nyan ban bo wul Yiesu nand nyan.

“Tin bu ŋɔn nand k t bua Yendu tie k tin cɔln u mɔmaam i. L mɔmaam cɔlmu yen g paa t po.”—1 San 5:3

Bɛ po i k t kan gii jie yen tin tug t kua g cab Jeofa i?

• Biɛyani 103:14 (MN); Sosuwe 1:9

  L g bual k ŋan gii ŋan g gbenn kaa yo g fid g tug a kua g cab Jeofa. Wano mɔno n bu tod’a ŋan tien yal ŋan.

• Kolɔs Kristo-yab 1:10

  A gii bua Jeofa, biid tienu jijei kan fid g pan’a ŋan daa wul Yendu nyum.

“Oo n Yendu, a buam tienu man n po paaa, k a mɔmaam mɔ biɛ be n ninŋ.”—Biɛyani 40:8 (MN)

A bu tien bɛ yo g fid g tug a kua g cab Jeofa i?

• San 17:3

  GAAL BIIBL TUNDL

  Mɔnd g bann Jeofa yen Yiesu, banm nba k a mɔg b po gii pugi, buam nba k a mɔg b po mɔ baa kpaad i.

• Ebro-nba 11:6

  MƆND K A DINDANN N GII PAA YENDU N NINŊ

  I dug Yendu puoni n ninŋ g daa tami tami. Biɛ gaal yen a pal kul g Yiesu salg bu nyan tinm biid yen kuum fiɛl n ninŋ.

• Tuona 3:19

  GBIƐND A BIID PO

  L niimn n ninŋ tie k ŋan gbiɛnd g biid nba k a tien nyan yiɛl’a paaa.

  LEBD A BINBEM

  L niimn n tie k ŋan ŋaa bontitebiid nba k a daan tu tie g ji gii tie yal ŋan.

• 1 Piɛr 4:2

  TUG A KUA G CAB YENDU

  G tug a kua g cab Yendu tie g jaandi ninŋ ŋan puon’o k a baa dond’o youg kul g biɛ tug u buam lan te yal nba ŋanm g mɔn a binbem n ninŋ.