“Yab kpe nuan ji g ban baa siɛl”—Eklesiast 9:5—Traduction du Monde Nouveau (MN)

Nil gii kpe bɛ n tu baal’o?

• Biɛyani 146:3, 4; Eklesiast 9:6, 10 (MN)

  Nil gii kpe, u g nyuan, u g gbiɛ, u biɛ g mali.

• San 11:11-14

  Yiesu maad g kuum tie nyan guanm nyan i.

“G yen tan kuan’o tiig nba k l luana tien banm k l ŋɔnŋ bonŋann yen bonbiil nyan, k u gii mua l tiig luana yaa daal, k u bu kpe i”—Cilg 2:17

Bɛ po i k t kpenn i?

• Cilg 3:1-6

  Sitaan bo bond Ɛf k u gii g cenŋ Yendu, u kan kpe. Ama Adam yen Ɛf n bo yie Jeofa maam, l bo tie biid i g baal yen kuum b po.

• Cilg 3:19

  Adam n bo kpe, u binbenm bo sed i; u ji bo g be siɛl buol.

• Rom Kristo-yab 5:12

  Biid tie nyan yiɛlbiig nyan i k t yaajanm Adam yen Ɛf luan’ti. T kul mal g tie biiddanm i, l po n te k t kpenn.

• 1 Korɛnt Kristo-yab 15:26

  Biibl maad g kuum tie ninnand i.

“L gii tie g nil kpe, u bu fid g guan g la miɛl ii?. . . n bu guul saa yen daal nba k n fiinu tan bu pund”—Sɔb 14:14

Nle i g mamɔni nba k t bann kuum po bu fid g nyan’ti maalbiid jijei n ninŋ i?

• 1 San 4:8

  Ban tu tund tundl nba g tua g Yendu tan bu juu niib muubuog n ninŋ nyan tie sugd i Yendu po. Yendu kan ban g cab g niib n cagn nnyan.

• Dɔgdu 4:11

  Niib bonciɛnn jie yab nba kpe, l po n te k b ŋaa jeofa u, g nyaan jie kpiem g biɛ dond’b. Jeofa ń tie Yendu yen mɔni, t baa dond wano kua i.