9. Ŋanduna Juog Nag Yo oo?
1 JEOFA ŊƆN’TI BINBEM N BAA TIE NAND WONN PO
“Hal cilyoug, n tuod g ŋɔn lan bu juod nand, n tuod g maad bona nba bu tien g sua k l daa g tien”—Esaayi 46:10—Traduction du monde nouveau (MN)
T ban bɛ i k l nyuan ŋanduna juog po i?
-
Yendu din Yiesu bal polu po bina tudl yen kobiinwai yen piig yen ŋanna (1914) n ninŋ i.
-
Yiesu bo tuod g maad g binbem tan bu paag niib po.
-
Yiesu n te Yendu Diem bad, u bel Sitaan polu po g jiin’o tinŋ n.Sitaan be mutociɛnu n ninŋ k l maa “l ji kan wai” yen Yendu n biɛn’o.
2 T BE DIJIJUOG DANI N NINŊ I
‘Bɛ n bu ŋɔn g ŋanduna ne juodyoug ji g fag i?’—Matieog 24:3
Biibl n bo puon yal nba, i laad k l tie yen mɔni ii?
-
Dinne t laad tɔb, kom, tinjegnu yen yieli g cie siɛnyoug.
-
Apostolo Pɔl bo tuod g ŋɔn niib bontitied n baa tie nand dijijuog dani n ninŋ.
Daniɛl 12:4 (MN)
Jeofa tod u tuonsunna k b gbiɛ Biibl niimn dinne g cie siɛnyoug.
-
B muand Yendu Diem labamann ŋanduna n ninŋ kul.
3 MƆND GII TIE YAL NBA BU MANŊ JEOFA PAL
“Yonmdaan baalu baa tie nyan naayig n tu baal nyiɛɔg nyan i.”—1 Tɛsaloniik Kristo-yab 5:2
Nyan ŋanduna juog n ji g fag ne i, bɛ i k l bual k yin tien i?
-
Daa jeln yen Biibl tundl, l mɔn paaa.
-
I saa Jeofa Sieda-nba tintaani g fid g banŋ bona bonciɛnn.
-
Lebd a binbem, lann n bu te a dɔnnu yen Yendu n gii kpaad g saa.
-
A binbem n ninŋ kul, daa ŋaa tuonyana-yana n pan’a yen ŋan dond Jeofa.