LECCIÓN 06
¿Jáchisu nátek ju jiápsiwame?
“Émot [Dios] ju jiápsiwame yew weyʼye” (Salmo 36:9). ¿Empo júkayri suale? Wate géntem akima suale ke ju jiápsiwame kie ápola jiba ayu táytek, ke kabe a yawʼwak. Site kie jakun bétana yew sákala, itom jiápsiwame kayta bechïbo türi. Te, si Jehová jiápsiwamta yäla, apo jamak jita yäbarey, ¿je? a Ache suwa juka etʼtexwari bíblicotachi jiápsiwamta bétana wanay akea bitcha jatchiasu may türi.
1. ¿Jakun bétanasu yew síkak ju téweka?
Ju Biblia júnel jiawa: “Bat a nátepo, Dios téwekam yawʼwak éntok buiata” (Génesis 1:1). Juebena científicom akima jewíteriala ke ju téweka nátewamta jípure. ¿Jáchisu Dios téwekata yawʼwak? Apo a “utʼtiarata usáruak” —a espíritu sántota— sïmeta téwekapo ayúkamta yä bechïbo: galáxiam, chokʼkim, planétam... (Génesis 1:2).
2. ¿Jatchiaka Dios Buiata yawʼwak?
Jehová “ka kie a yawʼwak, alʼla a yawʼwak ama joánake bechïbo” (Isaías 45:18). Apo itom planétata yawʼwak may tülisi éntok musälamachita, jak jume géntem ama jiba bechïbom jiápsanakey (Isaías 40:28 éntok 42:5 te leerua). Jume científicom junëlim jiawa ke ka watem benʼna. Buéytuk, ka senu planétata bétana jünewa jakun jume géntem ama jiápsanakëwi.
3. ¿Jáchisum kátim nanäla jume géntem nabolimʼmaki?
Chúkula Buiata yásuko, Jehová jiápsiwamta ama ayúkamta yawʼwak. Bat, Buiata matamʼmak tápuniak éntok nabolimʼmaki. Chúkula éntok “Dios a bénasi génteta yawʼwak” (Génesis 1:27 te leerua). ¿Jítapote ka nabolimʼmak nanäla? Dios a bénasi itom yawʼwak, árate a cualidádim yew bitʼtua, ime ejémplom bénasi ju nákwame éntok ju justicia. Apo jünewamak itom yawʼwak wate nókim täya bechïbo, juka musälamachisi ayúkamta bit bechïbo éntok alʼleaka jiáwita jikʼkay bechïbo. Ítapo, jume nabólim bepʼpa aneka, wa sïmeta yälame árate adorarua.
CHËRE IÁ BÉTANA JÜNENAKE
Wate pruébamte binʼna ke Dios sïme clase jiápsiwame ayúkamta yawʼwak éntok jatchiá ju etʼtexwari bíblico wa sïmeta yälame bétana ama wechiäpo weyʼye. Éntokte jünenake jume cualidádim itom jípurëwi jita itom maxtiá Diosta bétana.
4. Sïme jita jiápsame wepu jabe a yälame jípure
Jume géntem akima baysásawe jita naturalézapo ayúkamta mamátuaka bechïbo. Te ¿jábesum a báysawnake sïme ime yärim bétana? VIDÉOTEM bitcha chúkula éntok iá bétanem naw etʼtexwa:
-
¿Jita naturalézapo ayúkamtam mamátuala jume géntem?
Sïme jume kárim jabe am yäla. Te ¿jábesu sïmeta naturalézapo ayúkamta yawʼwak? Hebreos 3:4 tem leerua chúkula éntok iá bétanem naw etʼtexwa:
-
¿Jita naturalézapo ayúkamta chëre ama türe?
-
¿Türi jäni a sual bechïbo ke ju ánia éntok sïme ama ayúkamta jabe a yäla? ¿Jatchiá?
¿Akea jüneyay?
Jw.org po artículome ama tewna éntok vidéom iá bétana nokame. Jumu sériepe am jaria “¿Jabe a yäla?” éntok “Nókim jakun jiápsiwame yew simla bétana”.
“Jewi, sïme kari jabe a yäla, te juka sïmeta ayúkamta Dios a yawʼwak”.
5. Ju etʼtexwari bíblico yärita bétana lutüriata jípure
Jumu capítulo 1po Génesis bétana, ju Biblia a etʼtexwa jakun bétana yew síkak ju Buiya éntok sïme clase jiápsiwame ama ayukäwi. ¿Lutüria jäni ju etʼtexwari o kie ara nokïchia? VIDÉOTEM bitcha chúkula éntok iá bétanem naw etʼtexwa:
-
¿A maxtiá ju Biblia ke ju Buiya éntok sïme ama jiápsakäwi 6 táywarimpo yáwak, o ket junëli 24 horámpo?
-
¿Akea suale ke ju etʼtexwari bíblico yäwamta bétana a lutüria tiyʼya? ¿Jatchiá?
Génesis 1:1 tem leerua chúkula éntok iá bétanem naw etʼtexwa:
-
Juebena científicom junëlim jiawa ke ju ania nátewamta jípure. ¿Naw aw weria jita bem eáwimak juka Bíbliapo em jübua em leéruakäwi?
Wate géntem emo tetémaje si Dios wepu jiápsiwamta yawʼwak chúkula éntok a tojʼjak kie ápola jiba aw yásimnake bechïbo. Génesis 1:21, 25 éntok 27 tem leerua chúkula éntok iá bétanem naw etʼtexwa:
-
¿Ju Biblia a maxtiá ke Dios jiápsiwamta yawʼwak chúkula éntok a tojʼjak kie ápola jiba aw yásimnake bechïbo kúchum bénasi aw joákari, nabólim chechëyeme éntok géntem ketchi? ¿O apo sïme jume “génerom” jiápsame yawʼwak? b
6. Jume géntem katʼte nanäla wate jita Diosta yälamta bétana
Ítapo katʼte nabolimʼmak nanäla. Génesis 1:26 tem leerua chúkula éntok iá bétanem naw etʼtexwa:
-
Jume géntem árate nákwamta bitʼtebo éntok jiókol éwamta buéytukte Diosta bénasite yäri. ¿Jítasu émow jiawa iʼi Jehovata jachin a bénatukaw bétana?
WATE JUNËLIM JIJIÁ: “Juka Bíbliata yärita bétana maxtiame kie wepu ara nokïchia jibʼba”
-
¿Jáchise eyʼya? ¿Jatchiá?
JÍTASE AMA TATÄYAK
Jehová ániata yawʼwak éntok sïme jiápsiwame ama ayúkamta.
¿Jítase yomʼmia eyʼyey?
-
¿Jítasu maxtiá ju Biblia jakun bétana yew síkakäwi ju ánia?
-
¿A tojʼjak Dios ke wepu jiápsiwame kie ápola jiba aw yásimnake jita wate jiápsiwame aw yánake bechïbo o apo sïmeta yawʼwak?
-
¿Jítaposute ka watémte benʼna jume géntem?
CHËRE JITA AMA TÄYA
Wate ejémplome bitcha naturalézapo ayukäwi a yew bitʼtuame ke tuá ayu ju a yälakamta.
“¿Jítasu itom maxtiá ju naturaleza?” (¡Despertad!, septiembre 2006ta wériayo)
Akea bitcha jachin wepu átchay a ili usíwata texwa juka etʼtexwari bíblico jita yärita bétana.
Tülise at suwa si ju evolución tiame Bíbliata maxtiárimak naw ane.
Akea bitcha juka registro fósilta éntok experiméntom científicom yäkawi júnel jiame: si ju jiápsiwame kie junëli yew síkak o jabe a yawʼwak.
Ju jiápsiwame jakun bétanasu yew síkak. Mamni nátemaixrim ara jünepo yumálawi (Jiösia jióxteri)
