LECCIÓN 07
¿Jachïnasa Jehová?
Jehovátat eáteko, ¿jáchise emä eria teyʼyey? ¿Maye a béxremachile te may mekʼka émow amle, jume chokʼkim éntok wepu galaxia may mekʼka aneme bénasi? ¿O may utʼtiakame bénase a bitcha te ka cualidádim jípureka, junëli wepu ráyota bénasi? ¿Jáchisu tuá lutüriapo benʼna Jehová? A noki, Bíbliapo, Jehová wate a cualidádim itom bitʼtua éntok emo bétana a eawi.
1. ¿Jatchiaka Dióstate ka ara bitcha?
“Dios wepu espíritu” (Juan 4:24). Jehová ka ito bénak takáwak. Apo wepu espiritu téwekapo joákame, wepu jak ka ara itom bíchame ketchi.
2. ¿Jítasamʼme wate cualidádim Jehovata jípurëwi?
Eläposute ka ara Jehovata bitcha junʼne, te a täyateko ata náknake buéytuk wepu persona musälamachi cualidádim jípureme. Ju Biblia júnel jiawa: “Jehová justíciata nakʼke wanay jatwey junʼne jume witʼtisi emo wériame ka tóixnake” (Salmo 37:28). Ket “may nákwamta jípure éntok misericordioso”, chë junʼne wame jiókol anémemaki (Santiago 5:11). “Jehová wame jiapsi kökoleme jëla ane; jume lemaxpo kom eame jíjinew” (Salmo 34:18). ¿Jüneae ke árate itom yärimak Jehovata alʼletua o rójiktetua? Ju persona ka tüwata yä barëteko a rórojiktetua éntok kökosi a eʼetua (Salmo 78:40, 41). Te ju persona tüwata yäkateko a alʼleletua (Proverbios 27:11 te leerua).
3. ¿Jáchisu a yew bitʼtua Jehová itom nake tiaka?
Ju cualidad chë béxreme Jehovata jípurëwi ju nákwame ajäria. Buéytuk, “Dios nákwame ajäria” (1 Juan 4:8). Jehová a nákwamta itom bitʼtua Bíbliata pámani éntoket jita a yälaw pámani ketchi (Hechos 14:17 te leerua). Ache eyʼya, jachin itom yäkaw bétana. Jünewamta itom makla musälamachi colórim itom binʼnake bechïbo éntok jiáwita alʼleaka itom jikʼkaixnake bechïbo, buawa may kiame ketchi itom buánake bechïbo. Apo alʼleaka itom jiapsa iʼa.
CHËRE IÁ BÉTANA JÜNENAKE
Ata binʼna jítasu usarua Jehová jita musälamachita yä bechïbo. Chúkula éntok ata binʼna jáchisu a tü cualidádim yew bitʼtua.
4. Ju espíritu santo: Diosta utʼtiara tekipánuame
Ítapo mámamte usarua tekipanua bechïbo, Jehová éntok a espíritu sántota usarua. Ju Biblia ka espíritu sántota persona tiyʼya, alʼla wepu utʼtiara Diosta jípurëwi sïmeta yä bechïbo. Lucas 11:13 éntok Hechos 2:17 tem leerua, chúkula entok iá bétanem naw etʼtexwa:
-
Dios espíritu sántota am máknake jabe aw a áwawi. Empéntoko, ¿ju espíritu sántota wepu persona teyʼyey, o Diosta utʼtiara, o ket junëli, a utʼtiara tekipánuame? ¿Jatchiake junëli eyʼya?
Jehová a espíritu sántota uʼusarua jita ka suálmachita yä bechïbo. Salmo 33:6 éntok 2 Pedro 1:20 éntok 21, tem leerua chúkula éntok iá bétanem naw etʼtexwa:
-
¿Jaksu Jehová a espíritu sántota usáruala?
5. Jehová cualidádim itom türeme jípure
Moisés witʼtisi aw wériaka Diosta servíruay. Junëli junʼne, chë tülisi a Yälawi täya peyʼyay. Júnel bechïbo Moisés júnel aw jiáwak: “Em boʼome ne täyatua tülisi enchi täya bechïbo” (Éxodo 33:13). Jehová a yomʼmia wate a cualidádim bétana aw nokaka. Éxodo 34:4-6 táxtem a leerua chúkula entok iá bétanem naw etʼtexwa:
-
¿Jíta cualidádim bétana Moiséstaw noka Jehová?
-
¿Jita cualidádim Jehovata jípurëwi chëre türe empo?
6. Jehová génteta bétana eyʼya
Jume hebréom, ju pueblo batnátaka Diosta jípurëwi, Egíptopom esclávotukay. ¿Jáchisu aw inʼneay Jehová a pueblota jiókol aneka bíchaka? JIÁWITEM jikʼkaja chúkula lectúratem wojäse, o kiélem Éxodo 3:1-10 táxtem a leerua. Chúkula éntok iá bétanem naw etʼtexwa:
-
¿Jítasu enchi maxtiá i etʼtexwari Jehovata bétana inʼneawi génteta jiókol aneka bíchaka? (Jume versículom 7 éntok 8 tem bitcha).
-
¿Akea suale ke Jehová yö lutüriapo géntem aniá báreka eyʼya? ¿Akea yä máchile? ¿Jatchiase junëli eyʼya empo?
7. Naturalézapote Jehovata cualidádim bitcha
Jehová a cualidádim itom maxtiá jita a yälamta pámani. VIDÉOTEM bitcha. Romanos 1:20 tem leerua chúkula éntok iá bétanem naw etʼtexwa:
-
¿Jita Jehovata cualidádim empo a yäripo bitcha?
WATE JUNËLIM JIJIÁ: “Dios wepu utʼtiara sïmachi aneme, ka wepu persona ara itom täyawi”.
-
¿Jáchise eyʼya?
-
¿Jatchiake junëli eyʼya?
JÍTASE AMA TATÄYAK
Jehová wepu espíritu, júnel bechïbo ka árate a bitcha. Cualidádim may musälamachim jípure, ju nákwame chë ama yew bitʼtu.
¿Jítase yomʼmia eyʼyey?
-
¿Jatchiákate ka ara Jehovata bitcha?
-
¿Jítasu ju espíritu santo?
-
¿Jítasamʼme wate cualidádim Jehovata jípurëwi?
CHËRE JITA AMA TÄYA
Chëre Jehovata täya a náyki cualidádim chë yew bitʼtume bíchaka
Akea bitcha jita pruébam ayu ke Jehová ka sïmachi ane.
“¿Dios sïmat ane? ¿Jak june ane jäni?” (Jióxteri jw.org ta bétana)
Akea bitcha jatchiaka ju Biblia juka espíritu sántota Diosta “mam‘mam” tiyʼya.
Wepu oʼow lipti a obiáchiley a sual bechïbo ke Dios a bétana eyʼyay. Akea täya jítasu a jiapsi kuáktiak ka junëli e bechïbo.
“Enʼne júnel eyʼya ke watémne ara aniá” (La Atalaya, 1 octubre 2015ta wériayo)