LECCIÓN 10
¿Jatchiaka türi Jehovata testígom reuniónim jíjipurëwi wë bechïbo?
¿Bejë reunióniw Jehovata testígom jíjipurëwe néjumri? Si jatwey junë ka ama amla, jamake ili jachin énake aman wë bechïbo. Jamake emo temáixna: “¿Jítasum jojuá jume testígom bem reuniónimpo? ¿Jatchiaka ame bechïbo béxresimachi? ¿Amanʼne wénake ínapo ketchi?”. Imi leccionpo akea täyana ke ime reuniónimpo juka amistadta Dióstamak em jípurëwi utʼtiata nünake éntok enchi aniánake.
1. ¿Jítasu béxresimachi ayu ito naw tóix bechïbo?
Wepu escritor bíblico a etʼtexwak jítasu ju may béxresimachi razón itom naw tóix bechïbo: “Buewru congregaciónpone Jehovata alabáruana” (Salmo 26:12). Énriapo, jume Jehovata testígom kéchim émom naw totʼtoja, wanay ju máyim am alʼleletua. Sïme ániachi, chikti semánapo Dióstam alabarua bárekam émom naw totʼtoja, a buikriaka éntok naw aw oráruaka. Éntoket wepu wásuktiapo bájisim ikáyrim ket jojuá grúpom chë bubʼbuerempo.
2. ¿Jítase itom reuniónimpo täyanake?
Jume reuniónim Diosta nókim bétana jiba nonoka, wanáyim ama kálakosi etʼtetexwa juka a jiaw barëwi (Nehemías 8:8 te leerua). Si empo aman wëteko, chëre Jehovata bétana jita täyana éntok a musäla cualidádim bétana. Chë juka nákwamta émot jípurëwi jüneako, chëre a jálaytu bänake. Éntok keche jünenake jáchisu apo enchi aniánake alʼleaka jiapsa bechïbo (Isaías 48:17, 18).
3. ¿Jáchisum enchi aniánake jume géntem reuniónimpo enchi täyakawi?
Jehová ítow a awa ke “nawte ito aniá bárekate anʼnake nákwamta bitʼteboka éntok tüwata joaka, jiba ito naw totʼtojaka” (Hebreos 10:24, 25). Itom reuniónimpo, géntem lutüriapo emo nákeme täyana bempo emo bénasi, chërim Diosta bétana jita täyabare. Jumüre nókim tüisi enchi étuame jikʼkaixnake Bíbliapo yew nüri pámani (Romanos 1:11 éntok 12 te leerua). Keche géntemak ka kunákame éntok ka jubékamemak etʼtexwana yun jita obiachi bem jípurëwim púxbatela bétana. Wanay ime razónim ayu Jehovata itom naw toix i’aka.
CHËRE IÁ BÉTANA JÜNENAKE
Ata binʼnake jachïnasam jume reuniónim Jehovata testígom jíjipurëwi éntok jatchiákam béxresimachi aman wë bechïbo.
4. Jume reuniónim Jehovata testígom jíjipurëwi
Bat síglopo, jume cristiánom émom naw totʼtojay Jehovata adorarua báreka (Romanos 16:3-5). Colosenses 3:16 tem leerua chúkula éntok iá bétanem naw etʼtexwa:
-
¿Jáchisum Jehovata adoráruay jume bat cristiánom?
Énriapo, jume testígom kéchim élaka émom naw totʼtoja jak naw emo rúruktepo. A junë bechïbo jachïnasam bem reuniónim, VIDÉOTEM bitcha. Chúkula jiyókaritem bitcha wepu reunionta bétana chúkula éntok iá bétanem naw etʼtexwa:
-
¿Jáchisum nanäla kari jak naw yayäjapo jojöwapo éntok Colosenses 3:16 ta jiáwaw bétana?
-
Videota o jiyókarita bíchaka, ¿jítase chë ama tutüre itom reuniónim bétana?
2 Corintios 9:7 tem leerua chúkula éntok iá bétanem naw etʼtexwa:
-
¿Jatchiaka Jehovata testígom reuniónimpo ka tomi aʼaiwa?
Ikare bitcha, em maéstrotamaki, jita estudiarua bäwa wepu reuniómpo i semánachi.
-
¿Jítase chë ama tutüre empo juka reunionta bétana o musälamachire?
¿Akea jüneyay?
Jumu jw.org po are jünenake jákuni éntok jatwéyom jojöwa itom reuniónim sïme ániachi.
-
Itom reuniónimpo etʼtexwarim ama nonokwa, escenificaciónim éntok vidéom. Sïme wepu buikimʼmak nanäte éntok wepu oraciomʼmak chúchupe.
-
Reunionta násuk weyo, jume ama aneme áram jikaw mamte yómiata mak bechïbo.
-
Sïme ara áman kate: ówim éntok jámuchim, yoyöturim éntok ili úsim...
-
Jume reuniónim Jehovata testígom jíjipurëpe kayta béxtuake ama kibakna. Ka tomi aʼaiwa.
5. Utʼtiara wátiawa reunióniw wë bechïbo
Jesusta famíliatatʼte énake. Nazarétpom joákay, wanay chikti wasúktiapom bempo témplow wë bechïbo, baix täpom wokimʼmeyim kakátey káwim násuku. Lucas 2:39-42 táxtem a leerua chúkula éntok iá bétanem naw etʼtexwa:
-
¿Jáchise jiawa, utʼtiaratam yánakem jäni Jerusaléniw wë bechïbo?
-
Émposu, ¿jítasu emo bia kíkikte reunióniw wë bechïbo?
-
¿Akea béxremachile juka utʼtiara em yánakëwi? ¿Jatchiá?
Ju Biblia a maxtiá ke may béxresimachi itom naw tójako Jehovata adorarua bechïbo. Hebreos 10:24 éntok 25 tem leerua chúkula éntok iá bétanem naw etʼtexwa:
-
¿Jatchiákate ka a kóptiana reunióniw wë bechïbo?
WATE JUNËLIM JIJIÁ: “Katʼte wepu grúpopo anʼnake Diosta adorarua bechïbo. Juka religionta jabe junʼne ara a jípure”.
-
¿Jita texto o ejemplo Bíbliapo wëme a bitʼtebo ke Jehová jita itom yánakëwi a böbitcha?
JÍTASE AMA TATÄYAK
Reunióniw wëteko oportunidádim enchi makna chë Jehovata bétana jita täya bechïbo, juka amistadta ámak em jípurëwi utʼtiata nünake éntok wate persónamʼmak a adoráruanake.
¿Jítase yomʼmia eyʼyey?
-
¿Jatchiaka Jehová reunióniwi itom nunʼnu?
-
¿Jítase ama täyana Jehovata testígom reuniónimpo?
-
¿Jáchisu ket ara enchi aniá jume reuniónim?
CHËRE JITA AMA TÄYA
¿Jáchise eʼeya reunióniw wë bechïbo? Wepu oʼow junëli eame may am tutüreka táwak. Akea bitcha jatchiá.
¡Jatwey júnete ka a kóptiana jachin itom tébotuakäwi! (4:16)
Wepu jübua yötute täya reuniónim musáwleme wanay akea bitcha jítasu yawʼwak aman jiba wë bechïbo.
Akea leerua jítasum eyʼya wátem, reuniónim bétana.
“¿Jatchiaka türi jäni Jehovata testígom naw yáyajäpo wë bechïbo?” (Jióxteri jw.org ta bétana)
Akea täya jachin wepu pandillero jiapsi kuáktek chúkula Jehovata testígom reunióniw nóyteko.
“Kákune yew sisímey pistolata ka wériaka”(La Atalaya, 1 julio 2014ta wériayo)