LECCIÓN 11

Jáchisute chë jita türita Bíbliata bétana yew wíknake

IMI YEU WENA

¿Jatweye ka tülise emo inʼnela wepu tékil buéwruta nate bechïbo? Ka obiáchisi émow tawánake bechïbo, jamake akea náykimtek a yä báreka. Junëli bénase a yánake Bíbliata lectúramaki. Jamake emo temáixnake: “¿Jáksune nátenake?”. Imi leccionpo ata binʼnake wate türi conséjom ara enchi aniame ju lectura éntok estúdiota Bíbliata bétana chëre a türinake bechïbo.

1. ¿Jatchiaka tüisi türi chikti täpo Bíbliata leerua bechïbo?

Ju persona chikti täpo Bíbliata leéruame, o “ju Jehovata nésawrim”, alʼlenake éntok tülisi aw wénake (Salmo 1:1-3 te leerua). A nate bechïbo, are wepu táywaripo ili minútom nüye a leerua báreka. Chë Diosta noki täyasimeko, chëre a lectúrata türinake.

2. ¿Jítasu enchi aniánake Bíbliata lectúrapo jita türita ama yew jimʼma bechïbo?

Bíbliata leéruako jita türita ama nü bechïbo jita itom leeruatatʼte énake. Ika líbrotate ka kie leéruanake, ketʼte “at énake” (Josué 1:8). Emä leéruasimeyo, nátemaixrim ime béname émow yawʼwa: “¿Jítasum ínow jiawa Jehovata bétana ime versículom? ¿Jáchisune in jiápsipo am wétuanake? ¿Jáchisune am usáruana wátem aniá bechïbo?”.

3. ¿Jakse tiémpota yew jimʼmana Bíbliata leerua bechïbo?

¿Akea obiáchile tiémpota yew jimʼma bechïbo Bíbliata leerua báreka? Juebénakäwi junëli ítow sisime. Juka tiémpote “jachin emä yumäpe a nüye” (Efesios 5:16). Akea yánake táywata yew puäko Bíbliata leerua bechïbo. Wate ketwéytana akima leleerua. Wate éntoko kúpteyo akima türe, jimyóreka jita bua báreka. Wate tukäpo Bíbliatam leleerua, ketune ke je kócheka. ¿Emo bechïbo jita horate yew pua eyʼyey?

CHËRE IÁ BÉTANA JÜNENAKE

Ata binʼnake jítasute yánake juka Bíbliata lectúrata chë itom türinake bechïbo. Ímite wate idéam téwnake tülisi itom aniánakeme clásem bechïbo éntok juka curso Bíbliata bétana jita türita ama yew jimʼma bechïbo.

Junëli bénasi wate buáwamtate kiäsi a bubuäye, ketʼte junëli bénasite ara Bíbliata alʼleaka leéruanake.

4. Alʼleake Bíbliata leerua

Jamak ili obiachi Bíbliata leerua nate bechïbo. Te, junëli bénasite tiémpomak wepu bemela buáwamtate türe tátayte, junëli ketchi Bíbliata itom leéruanakëwi “mayte a türi táytinake”. 1 Pedro 2:2 tem leerua chúkula éntok iá bétanem naw etʼtexwa:

¿Si Bíbliata chikti täpo a leéruako jache ka a türina jäni, éntok jamak chëre a leerua bánake?

VIDÉOTEM bitcha wate jübua yötume Bíbliata lectúratam tutürekame täya bechïbo. Chúkula éntok iá bétanem naw etʼtexwa:

VIDEO: Jübua yötume Diosta nokítam tutürekame (5:33)

¿Jita obiachi wëmepom yew sajʼjak jume jübua yötume videopo yew sákalawim?
¿Jita am aniák sïmeta papʼperia bechïbo?
¿Jítasum yawʼwak ju Bíbliata lectúrata chë a türinake bechïbo?

Idéam a nate bechïbo:

Wepu traducción at eámete yew puwʼwa éntok énriapo bénasi nokwame ketchi. Traducción del Nuevo Mundo te usarua si en nokipo ayuákateko.
Bache jume etʼtexwarim chë em türememak nate. Lístape idéam téwnake “Idéam Bíbliata leerua nate bechïbo”.
Akea jioxte beja em leéruakäwi. Lístate usarua “Lista bíbliata in leéruakaw bétana”, imi jiösia jióxteripo órekame
JW Library^®te usarua. Si teléfonopo o wate aparátompo a óreko, jakun junë Bíbliata leéruana éntok a jikʼkaixnake.
Jume secciónim Traducción del Nuevo Mundo último páginampo wëme keche am bitcha. Jumüre mápam, lístam, éntok wepu diccionáriota téwnake juka em lectura Bíbliata bétana chë em türinake bechïbo.

5. Jibe emo listarua clásem bíblicam jipu barëtek

Salmo 119:34 tem leerua chúkula éntok iá bétanem naw etʼtexwa:

¿Jatchiaka türi jäni bat oráruanake ketune ke je Bíbliata leerua náteyo o clásem bechïbo emo listáruako?

¿Jáchise clásempo jita chë türita ara ama yew jimʼmanake? Wanay ime lecciónim cúrsota bechïbo estudiáruako, ikare yäpo yumala:

Sïme párrafome leerua jumu bat pártepo wewëpula lecciónim bétana.
Téxtom bíblicome jaria, akea leerua éntok nawe am jünakte juka em bíchamaki.
Nókim chë béxresimachime yew puwʼwa nátemaixrim yómiame. Iʼi enchi aniana chúkula juka leccionta em maéstrotamak estudiarua bechïbo.

¿Akea jüneyay?

Jume Jehovata testígom juebena traducciónimte Bíbliata bétana usáruala, te Traducción del Nuevo Múndotate chë türe buéytuk ama wéchiapo weyʼye éntok kálakosi órek, éntok Diosta téwam ama jióxteri. (ika jióxterite bitcha jw.org pámani: “¿Bíbliamim jípure jume Jehovata testígom?”).

WATE JUNËLIM JIJIÁ: “Juka Bíbliata im estudiáruanakëwi lemaxpo betʼte ino bechïbo. Kanʼne tiémpok ni kanʼne a yä peyʼya”.

¿Wanay émposu jáchise jiawa?

JÍTASE AMA TATÄYAK

Jita türi Bíbliata bétana yew jimʼma bechïbo, horate émow yetcha a leerua báreka, Dióstawe aniáwamta awa em leéruakaw junë bechïbo éntok emo listarua clásem bíblicam bechïbo.