Bíbliata estudio wepu viaje musälamachi yäwaka benʼna. Te jiba ili obiachi jiöbe. Jamake emo temáixna si lutüriape are jiba a estudiáruana. ¿Jatchiaka béxresimachi utʼtiata yä bechïbo? ¿Jítasu enchi aniana púxbaw bicha em wénakëwi eläposu obiáchisi émow wewi junʼne?

1. ¿Jatchiaka béxresimachi Bíbliata estudiarua bechïbo?

“Bueïtuk jü Diosta noki jiápsa, entok sïmeku áma yuuma” (Hebreos 4:12). Ju Biblia wepu libro may béxresimachi buéytuk Diosta eawi bétana ama noka éntok jita emo bétana eawi ketchi. Ka jiba enchi aniana chë jita täyana bechïbo, ket enchi aniana tü decisiónim em nünake bechïbo éntok púxbaw bicha wemta esparánzata jípunake bechïbo. Entok ju chë béxresimachi ke ju Biblia Jehovata enchi jálaytuanake. Chë élaka estudiáruako, em jiápsita tülisi enchi kuáktianake.

2. ¿Jatchiaka béxresimachi a bit bechïbo ke jume lutüriam Bíbliapo wëme béxresi am machiákawi bétana?

Jume lutüriam Bíbliata maxtiawi teta buániam may béxremachisim benʼna. Júnel bechïbo apo ika néjumrita ítow jowa: “Lutüriate jinʼnu éntok jatwey junë kate a nénenka” (Proverbios 23:23). Site tülisi át suákateko jachin jume lutüriam Diosta nokipo wëme béxresi am machiäkawi, utʼtiatate yäna ka estúdiota tóix bechïbo eläposu obiáchisi ítow wew junʼne. (Proverbios 2:4 éntok 5 te leerua).

3. ¿Jítasu yánake Jehová ka em estúdiota tóixnake bechïbo?

Jehová sïmeta yälame may utʼtiak éntok em jálay. Tüisi enchi täya wanay enchi aniábare chë a bétana jünenake bechïbo. Dios enchi a makna “juka em yä pëawi éntok a yä bäwapo a tü ea pámani” (Filipenses 2:13 te leerua). Junëli, jamakwey chë aniáwamte wátiana estudiarua bechïbo o juka em täyawi em jiápsipo a wëtua bechïbo, apo enchi aniánake. Éntok, si chë utʼtiata wätiateko jita obiáchipo yew wë bechïbo o jita ka tüwa emo bia kíkteko, apo enchi a máknake. Jehovátawe jiba aniáwamta awa Bíbliata estúdiota ka tóixnake bechïbo (1 Tesalonicenses 5:17).

 CHËRE IÁ BÉTANA JÜNENAKE

4. Ache suwa Bíbliata em estudiáruawi chë béxresimachina emo bechïbo

Jámakweyo yun jita yew sisime tiémpota itom uʼuwame Bíbliata estudiarua bechïbo. ¿Jítasute yäna? Filipenses 1:10 tem leerua chúkula éntok iá bétanem naw etʼtexwa:

• Em jiáwlapo, ¿“jítasamʼme jume chë béxresimachime”?

• ¿Jítase yäpo yumala juka estudio Bíbliata bétana chë béxresimachina emo bechïbo?

1. Si wepu vásota seʼemak tápuniako chúkula éntok juebena tetʼtam ama kibacha barëteko, jume tet’tam kátim ama bëkinake.

2. Te, si bat tet’tam ama kibáchateko, yun émow bïna sïme seʼeta ama kima bechïbo. Junëli bénasi, si jume jita “béxresimachi”, em jiápsipo bat am yéchateko, are am yäna éntok ket tiémpote jípuna wate jita yä bechïbo.

Bíbliata estudiáruako juka espiritualméntepo ítow bëyewi itom mámaka, júnel jiawbare, Diosta tülisi itom táyanakëwi éntok itom a adoráruanakëwi. Mateo 5:3 tem leerua chúkula éntok iá bétanem naw etʼtexwa:

• Si juka Bíbliata estudio bat ítoma yéchakäteko, ¿jita tüwamtate ama yew jimʼmanake?

 5. Púxbaw biche weyʼye eläposu wátem emo biá kíkteko junʼne

6. Jehovátache eyʼya apo enchi aniánake

 JÍTASE AMA TATÄYAK

Eläposu Bíbliata estudiarua bechïbo ili obiáchiako junʼne, iʼi enchi aniana alʼleaka jiba bechïbo itom jiápsinakëwi. Si jiba Jehovata eáteko, apo enchi a béxtuana.

¿Jítase yomʼmia eyʼyey?

• ¿Jatchiake béxremachise am bitcha jume lutüriam Bíbliata maxtiawi?

• Beja am täyasuko “jitasamʼme jume chë béxresimachim”, ¿jítase ya eyʼyey?

• ¿Jatchiake Jehovátaw aniáwamta aw áwnake enchi aniánake jiba Bíbliata estudiarua bechïbo?