¿Jítasu bëye famíliapo alʼleriata jipu bechïbo?
¿Jáchise jiaw eyʼyey ke...
-
... nákwame?
-
... tomʼmi?
-
... o senu jita?
BÍBLIAM NOKÄWI
“¡Alʼleamʼme wame Liosta Nokta jikʼkajame éntok a jiápsapo am wewëtuame!” (Lucas 11:28, Traducción del Nuevo Mundo.)
JITA EM JÍPUNAKËWI A JÜNEAKO
Tua nákwamtate tewna (Efesios 5: 28, 29).
Yöriwame ayuna (Efesios 5: 33).
Béjate ka mauxna (Marcos 10:6-9).
¿RAZOONIM AAYU BÍBLIATA NOKAW SUAL BECHÏBO?
Jewi, juebena razoonim aayu te woyimte émow nokná:
-
Lios famíliata yétchak. Jume Liosta Nookim júnel jiawa ke sïme jume famíliam Jehová am yawʼwak (Efesios 3:14, 15). Senu nokimpo, ju familia aayu buéytuk Jehová júnel a waatiay. ¿Jatchiaka tüysi béxresi maachi íkay jüneriaka?
Iachere suuwa: May kia buawamta buäyeteko pueke empo jünebaana jáchisu yäri, ¿jábetase temaix eyʼyey? Lutüriapo wa a yäkamtawi.
Júnel bénasi, si empo june barëteko jachin em familia ara alʼleriata jípure, che türina Jehovata temájeteko, buéytuk äpo am yawʼwak (Génesis 2:18-24).
-
Jehová béxresi ítom bitcha. Empo éntok em famíliata bechïbo tüysi türeyʼyey Jehovata conséjom Bíbliapo wëme járiateko, buéytuk A bechïbem béxresi maachi (1 Pedro 5:6, 7). Jehová jita che türik ito bechïbo waatia. Éntok a conséjom jiba tülisim ítow weweche (Proverbios 3:5, 6; Isaías 48:17, 18).
EMORE TEMAJE
¿Jáchisune che ara tu kunaria, jubiari o atchayria?
Juka yómiata Bíbliata mákame jumu EFESIOS 5:1, 2 éntok COLOSENSES 3:18-21 pe a tewna.