Jáchisute sïme jita türi wewëpulay lecciónimpo ama yew wikna
Wepu maéstromaki ika jiösia jióxterite estudiarua. Are a yawʼwa wepu curso bíblicota áwaka wa jábeta ika follétota enchi makʼlakawi sitio internet pámanipo ketchi, jw.org.
BAT WËME
Sïme párrafome leerua. Nátemaixrim jínaikiarika ama áika (A) éntok téxtom bíblicom ili chukuli jióxteritakam (B) jita chë béxremachita yew bitʼtuame. Ache suwa wate téxtom chakäku óreka ama jiawa enchi a leerua sáweme.
WOY WËME
Ju bat párrafo jumu sección: “Chëre iá bétana jünenake” a etʼtexwa juka abo wëme bétana (C). Jume subtítulom jínaikiarikame itom téxwa jita ama chë béxresimachi (D). Sïme téxtom bíbliapom yew nürite leerua, jume nátemaixrime yomʼmia éntok vidéome bitcha (E).
Jiyókarime tüisi at suaka am bitcha éntok etʼtexwari a bétana nokame ketchi (F), éntok ache eyʼya jáchise a yomʼmia eyʼyey juka sección “Wate junëlim jijiá” (G).
BAIJ WËME
Jume lecciónim “Jítase ama tatäyak” éntok “¿Jítase yomʼmia eyʼyey?” mak chúchupe (H). Leccionta estudiáruasuko akea jioxte juka táywarita emä chúpakäwi. Jumu recuádropo “Ikare yä eyʼyey” sugerénciam enchi aniame púxbaw bicha imi maxtiáwapo wë bechïbo enchi miknake (I). Jumu sección “Chëre jita ama täya” wate jiösia jióxterim éntok vidéom emo bechïbo wëme ama téwnake (J).
¿Jáchise wepu texto Bíbliapo wëme téwnake?
Jume referénciam téxtom bétana ju libro Bíbliapo wëme ama weyʼye (A), ju capítulo (B) éntok ju versículo o jume versículom (C). Iá bénasi, Juan 17:3 júnel jiawbare “Juanta libro, capitulo 17, versículo 3”.
