Chókore utʼtesia tiémpota emo mákaka bechïbo ika follétota bíchaka chë tülisi itom täya báreka éntok itom tékilta ketchi ket itom organizacionta jachin bem tekipánoawata bit báreka. Ika follétomak enchite aniá báreka eyʼya at jüne bechïbo ke en énriapo ítapo jiba Jehovata wátiawte jojoá. Enchite néjune jibe Jehovata bétana emo maxtiánake. En familia éntok en amigomʼmake jita en estudiarua bétana noka éntok jibe reuniónim cristiánampo itómake ane (Hebreos 10:23-25).

Chë jüne Jehovate täyako, chë tülise ju nákwamta Liosta emo bechïbo jípureme inʼnena. Wanay ju enchi yúyuina Jehovata wátiamta yä bechïbo (1 Juan 4:8-10, 19). Te, ¿jáchise chikti tapo ara a bitʼtebo ke Jehovate nakʼke? ¿Jatchiasu tüysi türi emo bechïbo Liosta nésawrim nokjikʼkajako? ¿Jita en wátiawta yóturiana Liosta wátiamta itómak yä bechïbo? En maestro Bíbliata bétana enchi maxtiame ara enchi aniá jume yómiarim ime nátemaixrim bétana tew bechïbo, júnel empo éntok en familia “Diosta yore nákëpem jíba [emom jípuna] [...] yúu jiápsihuamta béchïbo” (Judas 21).