¿Chë jüne Bíbliata bétana emo maxtiá peyʼya? ¿Ákea jüne peyʼya wepu versículo, o jabe gente, lugar o jita wemta juka Liosta Jióxterim nokʼlakäwi bétana? ¿Jatweye emo temáixla si ju Liosta Noki ara enchi aniá wepu problémapo yew we bechïbo? Si en yómiarim jewítuko, türeyʼyey emo bechïbo jumu bibliotécawi Käri jak Jehovata testígom naw yayajäpo kátekame wëteko.

Ju biblioteca yun a jípure jita ara itom aniame ito maxtiá bechïbo. Jámak kate sïme publicaciónim Jehovata testígom en nokipo yálawime jípure; te, ju biblioteca Käri jak Jehovata testígom naw yayajäpo kátekame juebena publicaciónim en jubua yew simʼlame jípure. Jámak ket Bíbliam tatʼtabui nokimpo yárim ama ayu, ket wepu tü diccionario ama ayka éntok wate líbrom itom maxtiá bechïbo. Are a usarua ketune ke reunionta náteyo o beja a chúpeko. Si wepu computadora ama ayuko, jámak ju programa Watchtower Library ama óreri, imi prográmapo batʼte sïme itom publicaciónim weyʼye wanay ka obiachi en járiawi tew bechïbo eláposu jita tema, nókim o versículom bétana junʼne.

May türi wame estudiántem jumu reunión Vida y Ministériopo aneme bechïbo. Are bibliotécata usarua en asignaciónim yä bechïbo. Ju superintendente reunión Vida y Ministériota bétana a susuaya, wanay aw asegurararua ke chë bemela publicaciónim ama ayúnake éntok tülisim acomodáruarimtunake. Apo o en maestro ara enchi maxtiá jachin juka información en bëyewi téwnake. Awe wate ke kate jume líbrom jumu Käri jak Jehovata testígom naw yayajäpo ayúkame wériwnake éntoket, tüysi am suáyaka am usáruana éntok kate amet jióxtenake.

Ju Biblia junen jiawa ke juka “Liosta conocimiento” tew bechïbo “teta buaniam éwsurim” bénasite a járiwnake (Proverbios 2:1-5). Ju biblioteca Käri jak Jehovata testígom naw yayajäpo kátekame may türi íkay yä bechïbo.

• ¿Jita ara itom aniame ito maxtiá bechïbo jumu bibliotécapo Käri jak Jehovata testígom naw yayajäpo kátekame áika?

• ¿Jábesa ara enchi aniá jita türi bibliotécata bétana yew wik bechïbo?