Ketune ke mukeka, Jesús a nayki apóstolimʼmak jiba nókak: Peero, Santiago, Juan éntok Andréstamaki. Apo juka senyal último táywaripo ayubarëwi a presencia bétana ámew nókak, wanay may bexre machisi nátemaixrita yawʼwak: “¿Jábesu jü sáyhuame [o esclavo, TNM] suaka ä teko ëa páman áu nüyeme [éntok jita ara suáyame]? Ïri jü sáyhuamta mámpo ä famíiliahua tö simnake, tiémpopo ä jïbuatuanakë béchïbo” (Mateo 24:3, 45; Marcos 13:3, 4). Jesús, ka tuá buáwamta bétana nókay, sino ke Liosta maxtiari bétana. Ime nokimʼmak, Jesús, wepu teko bénasi, junel jiawa ke último táywarimpo esclávota o a sáywamta yéchanay a wojaleromʼmew jita espiritualméntepo ámew bëyeme jiba am miknake bechïbo. ¿Jábesa i esclavo?

Wepu ili grupo Jesusta wojáseme ajäria imeʼe espíritu santo pámani yewpuarimʼme. I “esclavo” ju grupo cristiánom yewpuárim ajäria, ket Cuerpo Gobernante bénasim täyawa, imeʼe Jehovata testígom organizacióntam weria. I grupo bem companyérom ame bénasi Jehovata adoráruame jita espiritualméntepo ámew bëyeme am mámaka. I “esclavo” itom a mímika espiritualméntepo tuá horapo itom “jïbuatuanakë béchïbo” (Lucas 12:42).

Liosta káritam susuaya (1 Timoteo 3:15). Jesús ika esclávota buewru reponsabilidadta a makʼkak búeytuk bempo juka Jehovata organización imi buiapo ayúkame wériwnake, bempo sïme jita organizacionta jípurewi susuaya, predicacióntam wéwetua éntok congregaciónim pámani itom mamaxtia. Júnel bechïbo, “ju esclavo fiel éntok discreto” jume publicaciónim ministériopo itom usáruawi éntok jume prográmam reuniónim éntok buewru reunión bibitʼtuawame pámani jita espiritualméntepo tuá itow bëyeme itom mámaka.

Ju “esclavo” fiel buéytuk jiba Bíbliata jiaw pámani aw wéweria éntok a tékilta makri predicacionta bétana wewetua, éntok akima discreto tiyʼya buéytuk apo sïme juka Crístota imi Buiapo atʼtiarita may ara a susuaya (Hechos 10:42). Jume Testígom chë bürusim émom jojoá éntok juebena buawa espirituáltam jípure júneli bitʼtu ke Jehová esclávota tékilta bendecirua (Isaías 60:22; 65:13).

• ¿Jábetasu ama yetcha Jesús a discípulom jita espiritualméntepo ámew bëyeme am mik bechïbo?

• ¿Jáchisu jiawbare ke i “esclavo” fiel éntok discreto?