Jume Jióxterim Griégam Cristiánam elakíbam Bernabé éntok apóstol Pabrota bétana nonoka. Ime ówim superintendéntem viajántemtukay bempo congregaciónim wanʼna tiémpopo ayúkame visitatáruay. ¿Jatchiásum a jojoay? Buéytuk ame bechïbo tüysi bexre machiákay ke bem sáylam espirituálim tülisim anʼnakey. Pabro a bitʼtebo ke jume sáylam juchi am visitaruabárey a bit bechïbo jáchisu ámew weyʼyey. Eláposu juebena kilómetrom a wénakew junʼne te apo a jojoay am aniá báreka (Hechos 15:36). Ale bénasi éaka jume superintendéntem viajántem en énriapo ayúkame júnelim a jojoá.

Ábom yayaja itom animarua báreka. Jume superintendéntem circuítopo aneme batʼte senu takawa congregaciónimim o chë ama bepʼpa visitatarua wanáyim wepu semánata wewépulaymakim tatawa iʼi wepu wasúktiriapo woyísim a jojoá. Árate yun jita türi ame bétana ito maxtiá buéytuk yun experiénciatam jípure bem jubiáwam bétana ketchi, si béjam jubeko. Bempo sïme congregacionpo anémem täya peyʼya jume jubua yoyötum éntok yoyöturim ketchi, ket predicacióniwim éntok jume géntem Bíbliata itómak estudiáruamewte sájako itómakim we pepʼpea. Ime superintendéntem ancianomʼmak sáylamim visitatarua am aniá báreka; ket reuniónim éntok buewru reunión may tü etʼtexwarim Bíbliapom yew nürimim nonoka itom tü etua bechïbo (Hechos 15:35).

Sïmem béxresi machi ame bechïbo. Jume superintendéntem circuítopo aneme may béxresi machi ame bechïbo jáchinim espiritualméntepom ane jume congregaciónim. Anciánom éntok siérvom ministerialimʼmak émom naw totʼtoja jume progrésom ayukäwim bit bechïbo éntok tü conséjom am mámaka tülisi bem tékiltam yánake bechïbo. Jume precursórimim aʼania a ministériota tüysima wétuanake éntok chë tülisi ámew wénakew bechïbo, éntokim máyim alʼleleya jume géntem en jubua itómak naw totʼtojame täyako éntok am bíchako jachin espiritualméntepo púxbaw bícham kate. Ime sáylam wewëpulayka tüysim éaka sïme íkayrim jojoá wanay júnelim “tekipanua [itom] béchïbo” (2 Corintios 8:23). Bem fe bénasite a jípuna éntok jachin Lióstam adorarua bénasite a adoráruana (Hebreos 13:7).

• ¿Jita bechïbosu jume superintendéntem circuítopo aneme congregaciónimim visitatarua?

• ¿Jáchise jita türita ama yew nüna ime visítam bétana?