Jumu Jehovata itom adoráruapo Käri jak Jehovata testígom naw yayajäpo bénasite am tetetʼtia. Júnel tetʼtiawa buéytuk sïme Bíbliata bétana itom táyawi Liosta Yawra bétana jiba nonoka, Jesús ket ia bétana jiba nonokay jábeta maxtiáteko (Lucas 8:1).

Jumürim adoración tuá lutüriatam wéwetua comunidadpo. Jumürim predicación tü nókim bétana jojówapo (Mateo 24:14). Jume Kärim jak Jehovata testígom naw yayajäpo kátim nanäylasim yäri wáteka ilitchimʼme wate éntok bueremʼme, te sïmetaka kátim buéresim yäri; juebena Käri jak Jehovata testígom naw yayajäpo wepüla, wóyim o chë ama bepʼpa congregaciónim ama emo naw totʼtoja. Último wasúktiriapo juebénamte yala (chikti tapo, batʼte mamnímte yala) júnelte a jojoá buéytuk jume congregaciónim yötusimʼme. ¿Jáchisute júkay yala? (Mateo 19:26).

Tómita ama nenénkiwamtayi jojowa. Ju tomʼmi sucursálim chë émow jela katekäwi bibitʼtuawa wanay congregaciónim aniáwamta am mámaka bemela Käri jak Jehovata testígom naw yayajäpo yä bechïbo o beja a bem jípurewi tüte bechïbo.

Juebena sáylam tüysi éaka akima jojoá kayta bebéxtuawaka. Juebena paísimpo grúpom Käri jak Jehovata testígom naw yayajäpo jojoame yalamʼme. Ime equípom siérvom éntok voluntáriom Käri jak Jehovata testígom naw yayajäpo jojoame congregaciónim bem tékiltam nesitáruawim bícham sásaka jumu mismo paispo eláposu ámew mekʼka tawa junʼne, jume congregaciónim bem Käri jak Jehovata testígom naw yayajäpo yä báreme aniá bechïbo. Wate paísimpo testígom tüysi construccionta bétana täyame yew puala wanay bempo wepu Käri jak Jehovata testígom naw yayajäpo yä barëteko o beja a bem jípurewi tüte barëteko akímam tetʼtexwua a jáchisuma yäna. Eláposum juebena voluntáriom construcciompo tekipánoame árawemʼme bem anepo, wame chë juebénaka naw yayajäpo yáwapo tekipánoame congregación a usarua barëpom jome. Jehová a espíritu éntok utʼtiara a puéblota jojoawi aniala íkay yä bechïbo (Salmo 127:1; Colosenses 3:23).

• ¿Jatchiásute Käri jak Jehovata testígom naw yayajäpo am tetetʼtia jak Jehovata itom adoráruapo?

• ¿Jáchisute Kärim jak Jehovata testígom naw yayajäpo sïmat buiapo jojoá?