Itom organizacionpo ka líderim religiósom bébextuawame ayu. Chë júnel, aman banʼnataka ju congregación cristiánata náteyo a jojoá bénasi, superintendéntem tüysim tékiltam ara wétuame ama yéyechawa jume “Jesucrístota súaleme [am] suayanakë béchïbo” (Hechos 20:28). Ime anciánom congregacióntam wériame éntok a suáyame ówim tüysim espiritualimʼme, bempo “kaa utteapo am suayaka, enchim tü jiápsekä béchïbo ál-la; kaa huaka béjtuahuamta huáatiaka, alʼlem kaitat boobitchaka chíkti enchim jiápsimak ä yáanake” (1 Pedro 5:1-3). ¿Jítasum jojoá itom bechïbo?

Itómim susuaya. Jume anciánom congregacióntam wéweria éntok bem espiritualidádtam susuaya. Buéytukim juneaka ke Lios i bexre machi tékilta am makʼla, katim utʼtiapo bem nésawta itom yä iʼia, chë jüne itómim alʼleia éntok tülisi itom eiʼa (2 Corintios 1:24). Wepu pastor tülisi a wewëpul kabáram suáyame bénasi, jume anciánom may bexre machísima bitcha wewëpulaysi am täya bechïbo sïme jume Liosta puéblopo aneme (Proverbios 27:23).

Itómim maxtiá Liosta wátiawta yä bechïbo. Chikti semánampo, jume anciánom reuniónim congregacionpo ayúkame wéwetua, itom fe utʼtiata nünake bechïbo (Hechos 15:32). Ime tü ówim ket evangelizacióntam wéweria, itómakim predikakarua éntok itómim maxtiá tatʼtabui facétam ministériopo ayúkame bétana.

Wewëpulaysim itom aʼaniá. Buéytukim wewëpulaysi itom aniá báreka éaka espiritualméntesi itow bëyepo, jume anciánom itom joápom yayaja éntok jumu Käri jak Jehovata testígom naw yayajäpo itómakim etʼtetexwa. Utʼtiata itom mak bábare éntok bem aniáwata itom mak báreka eyʼya Liosta Jióxterimaki (Santiago 5:14, 15).

Juebena anciánom jumu congregacionpo tékilta wétuame, kéchim wepu tekʼkil éntok familia bem suáyanakëwi jípure. Ime sáylam yun tekipánoame tüysite am yöreka am bítnake (1 Tesalonicenses 5:12, 13).

• ¿Jita tékiltam jojoá jume anciánom congregacionpo?

• ¿Jáchinim wewépulaysi bénasi itom bétanam eʼeya?