Ju Biblia woy grúpom ówim bétana noka ke juka tékilta congregacionpo ayúkame jojoá: jume superintendéntem éntok siérvom ministeriálim (Filipenses 1:1). Sïme congregaciónimpo sáylam ía béname ayu. ¿Jita tékiltam jojoá jume siérvom ministeriálim tülisi itow wénake bechïbo?

Anciánom congregacionpo ayúkame aʼania. Jume siérvom ministeriálim ówim espirituálimʼme, ara at éame éntokim máyim ara tekipanoa, wátem jubua yoyötum wate éntok chë yoyöwemʼme. Bempo sïme juka tékilta congregacionpo ayúkame jojoá, ime tékilim bexre machimʼme, te kátim tuá obiachi an yä bechïbo. Júneli jume anciánom áram tiémpota jípuna sáylam maxtiá éntok am suaya bechïbo.

Tekʼkil bexre machítam jojoá. Wate siérvom ministeriálim wame reunióniw yájame am mamábeta éntok akímam tetʼtexwa jakun bem yexnakëwim. Wátem buíkim ama oʼore, publicaciónim mímika, cuéntamim wéweria éntokim jume sáylamim tetʼtexwa jákunim predicáruanake. Kéchim itom Käri jak Jehovata testígom naw yayajäpo jítam tutüte éntok jume sáylam yoyöturim aʼania jáchim anciánom am téxwakäwi bénasi. Jita tekʼkil junʼne am mákwako, si bempo tüysim éaka am yako yöriwamta sïmem bétana jípuna (1 Timoteo 3:13).

May tü ejémplota itom mámaka buéytuk ówim espirituálimʼme. Jume siérvom ministeriálim bem tü cualidádim espirituálim bechïbo yew pupʼpuawa. Plataforma bétanam nokäteko itom fe utʼtiata nunüye; jachin bem predicáruawi am bichäteko itom yúyue predicarua bechïbo, éntok at suako jachin watemʼmak tekipánoame tüysi itom alʼleletua éntok chë june itom naw aʼamtua (Efesios 4:16). Chúkula, bempo kéchim ara anciánomtu.

• ¿Jáchisum mamachi jume siérvom ministeriálim?

• ¿Jáchisum aʼania jume siérvom ministeriálim congregacionta tülisi wénakew bechïbo?