Juebena géntem bem tiöpomim toixla buéytuk katim tüysi Liosta Noki bétana an maxtiala éntok katim am jiapsi yéchala. Wanaysu, ¿jatchiase jume Jehovata testígom reuniónimʼmew we eyʼyey? ¿Jítase ama tewna?

Géntem jabe nákeme tüyse alʼleaka naw anʼnake. Bat síglopo, jume cristíanom congregaciónim pámani tü yátukay wanay émom naw totʼtojay Liosta adorarua báreka, Bíbliata estudiarua bechïbo éntok naw tüysi emo étua báreka (Hebreos 10:24, 25). Bem sáylam espiritualimʼmak naw aneka tüysi nakwa ayukäpo, tuá amígom násuk emo ériay (2 Tesalonicenses 1:3; 3 Juan 14). Ítapo alebénasite a jojoá éntok juka alʼleriatate iʼinea.

Jünenakeʼe jáchisu tüysi émow wetche jume Bíbliata nésawrim en jiápsipo am wétuako. Júnel banʼnataka a jojoá bénasi, ówim, jámuchim éntok ili úsim nawte ito totʼtoja maéstrom tüysi jüneame jikʼkaix báreka bempo itom aʼania a jüne bechïbo jachin jume Liosta nésawrim itom jiápsipote am wétuanake (Deuteronomio 31:12; Nehemías 8:8). Sïme jume ama aneme áram nokná jumu nátemaixrim jojówapo yómiata áram makʼka éntoket áram buika, wanay júnel wewëpulaytaka a esperanza cristiana bétanam nonoka (Hebreos 10:23).

Ju fe Lióstat en jípurewi utʼtiata nünake. Ju apóstol Pabro a táywaripo wepu congregacióniw jióxtek: “Bueïtukne tüisi enchim bít péiya, [...]. Júnëlituk jü jáchin juka Diosta enchim súalëhui huépülsi náutahuánake, enchim béchïbo júne türinake entok ínapo júne ál-leakatahuánake, juka Diosta enchimmet yáakäu bíchaka” (Romanos 1:11, 12). Itom saylamʼmak reuniónimpo anëteko itom fe utʼtiata nunüye éntoket chë june cristiánom bénasi ito wériwbana.

¿Jatchiase ka senu reunión ayubarëwi ka weyʼye empo a bítnake bechïbo? Tüysi éakate enchite mabétnake. Kayta béxtuaka aman kibakna éntok ka tomi aʼaiwa.

• ¿Jáchisum wéweye itom reuniónim?

• ¿Jita tüwatate ama tewna ito bechïbo reuniónim cristiánampo?