Jesucristo a discípulomʼmew júnel jiawa: “Machiriatem ínëli jípure, yoremem bíchäpo, bueïtuk bempom juka türik enchim joäu bíchaka, enchim Átchay téhuekapo kátekamtam úttileka ä yörinake” (Mateo 5:16). Wari bechïbo, jume chë bemela tecnologiapo ayúkamete jípure, ju Internet bénasi. Ju sitio jw.org ájaria jákuni Jehovata testígomta bem suálew éntok bem jojoaw bétana júnenake. ¿Jítase ama tewna?

Nátemaixrim Bíbliata bétana wëme jiba jojówame éntok yómiarim. Jume yómiarime tewna wame nátemaixrim chë béxresi machi jume géntem emo yálame bétana. Mas eni jume tratádom ¿Jatweyte beja ka jiókot ëna jäni? éntok ¿Yö lutüriapo áram juchi jiápsana jume kokʼkolam? ket áram itom sitio Internetpo kom óretu busan ciento chë ama bepʼpa nokimpo. Keche juka Traducción del Nuevo Mundo wepu ciento ama senu taká ama woy mamni chë ama bepʼpa nokimpe a téwnake; éntok juebena jiósia jióxterim Liosta Noki watém maxtiá bechïbo, ju libro ¿Qué nos enseña la Biblia? bénasi, éntok jume revístam chë bemela La Atalaya éntok ¡Despertad! bétana. Juebena itom publicaciónim líneapo áram leéruatu éntok jikʼkaixtu, éntok áram kom óretu am jikʼkaix bechïbo, formátom MP3, PDF o EPUB bénasi. Si empo júnel barëteko wate páginam en nokipo wëmete are jiósiape am ore jabe chë Liosta Yawra bétana jüne báreme am bitʼtua bechïbo. Ket publicaciónim vidéopo wëme juebena senya nokimpo ayu, éntok lectúram jabe am nokame áram kom óretu, drámam Bíbliapom yew nürim éntok musálamachi buíkim am jikʼkaix bechïbo tiémpota jípureteko.

Tüwa jióxteri Jehovata testígom bétana. Imi sítiopo notíciam bemélam éntok vidéom ama ayu wanay imeʼe itom tekʼkil sïmat buiat itom wétuawi, jita wémtam imi ániapo pasáruame bexre machimʼme Jehovata testígom bechïbo éntok ju tekʼkil itom jowawi wátem aniá báreka bétanamim noka. Éntoket, jume buewru reuniónim abe ayubarëwi tétexwame éntok ama weyʼye jáchisu itom sucursáliwim noknake.

Sïme íkay pámani ata jowa ke ju machiria lutüriata bétana sïmat ániapo bitʼtunake ket wame regiónim mekʼka tawame junʼne géntem sïme continéntempo joákame, éntoket ju Antártida ketchi, emo beneficiáruanake bechïbo. Oʼoraruate ke sïmat Buiapo “juka [Jehovata] noki huitti huéenakë béchïbo” a looria bechïbo (2 Tesalonicenses 3:1).

• ¿Jáchisu ju sitio jw.org aʼania ke chë juebena géntem jume lutüriam Bíbliapo wëme täyanake bechïbo?

• ¿Jítase ama jariw peyʼya jw.org po?