Binwa náteka, Jehová a wátiala ke jume famíliam yumala naw anʼnake bem espiritualidad éntok jume jita naw am antuame chë utʼtiatam nünake bechïbo (Deuteronomio 6:6, 7). Junen bechïbo, jume Jehovata testígom chikti semánampo tiémpotate ito mámaka naw ito famíliaka Liosta adorarua báreka, wanay tüysi alʼleakate naw aneka, jita espirituálim wewépulayka bem wátiawi amate estudidiárua. Ket wame bempola joákame júkay bem tiémpota Lióstam makʼla tülisim áram a usarua wepu etʼtexwarita Bíbliapo bem yew puákawi a estudiarua bechïbo.

May türi eni ajäria chë Jehovátaw rukti bechïbo. “Diostahuem rúkte; Áapo éntok enchímmeu rúktinake” (Santiago 4:8). Chë tülisite Jehovata täyanake jachin a machiákawi éntok a yárim bétana Bíbliata leéruako. Juka estudio en famíliata nate bechïbo Bíbliata kusisi are leerua, jamake ju etʼtexwata chikti semánapo jojówame ju reunion Vida y Ministeriota wojánake. Wanay wewëpulaka ili rebʼbiatam Bíbliapo wemta áram leéruana; chúkula éntok sïmetakam a etʼtexwana jítasum emo maxtiala Liosta Noki bétana.

May türi eni ajäria juka famíliata chë jüne naw am antuá bechïbo. Jume emo jubékame, alebénasi jume átchayrim éntok bem uʼusim, chë junen naw anʼnake Bíbliata naw estudiáruako. Íkay yako alʼleriata éntok yántiwame inʼnena, jachin sïme a watia bénasi. Jume átchayrim bem uʼusim aniá bechïbo ámak témam béxresi máchim revista La Atalaya éntok Despertad po o jumu sitio jw.org po yew nürim bit bánake. Jámak excuélapo obiáchisi ámew wëme bétana nok bánake éntok jachin ara am aniánake ama yew we bechïbo. ¿Jáchise a bitcha wepu prográmata JW Broadcasting tate bítnake chúkula éntok nawte a etʼtexwana? Kéchim jume buíkim reunionpo buikbáwame are bat am buika éntok jítem ara buánake beja a chúpeko.

Ju tiempo chikti semánapo itom yewpuálakawi Jehovata adorarua báreka itom aʼania ju Liosta Noki estúdiota sïmetaka a türinakew bechïbo, wanay apo yun jita türi itom máknake juka utʼtiata itom jojoaw bíchaka (Salmo 1:1-3).

• ¿Jatchiásute tiémpota yew pupʼpua en famíliapo Liosta adorarua bechïbo?

• ¿Jítasum ara yawʼwa jume átchayrim sïmetakam juka adoración famíliapo a türinakew bechïbo?