Ju noki precursor ket pionero, o bat wëme, noki bénasi jiawbare wanay júneli tetʼtiawa wa gente wame a saw wëme bechïbo boota listáruame jumu territorio ka tekipánoaripo. Jesús ket ale bénasi precursórtukay, buéytuk Buiaw kom bitʼtuawak wepu ministerio jiápsiwamta ara míkame wetua bechïbo éntok boota jinewʼwamew bicha étapo báreka (Mateo 20:28). En énriapo ítapo ketʼte a bénasite a jowa buéytuk yun tiémpota ito mámaka discípulom yä báreka (Mateo 28:19, 20). Wate éntoko ju servicio precursórtam nátela.

Wepu evangelizador tiempo yumálapo tekipánoame. Sïme jume Jehovata testígom türi nokimte Liosta bétana predikakarua. Júnentak junʼne, wate bem jiápsitam tü yala precursórim regulárimtu báreka wanay chikti mepʼpo baix takawa ama woy mamni hóramim i tékilta bechïbo dedikakarua. Júnel bechïbo, juebénakam wepu tekʼkil ka tiempo yumálatam jajaria. Wate éntok yew pupʼpuawa precursórim especiálimtu bechïbo, wanay jakun chë predicadórim wátiawawi bícham bibitʼtuawa; imeʼe chikti mepʼpo wepu ciento ama wepu takawa ama woy mamni hóram o chë ama bepʼpa ministériopom rereste. Jume precursórim ka jita lemaxpo béxremta jípurekam jiapsa buéytuk Jehovátachim eyʼya ke jita bem nesitáruawi am máknake (Mateo 6:31-33; 1 Timoteo 6:6-8). Wame ka jumu precursorado regular o especialpo ara tekipánoame áram precursórim auxiliártunake, imeʼe wepu mepʼpo senu takawa ama woy mamni o woy takawa ama woy mamni hóram predikakarua.

Ju precursor a tékilta jowa buéytuk Liosta éntok wátem nákeka. Jesusta bénasi, atʼte suuwa ke jume géntem jiókol espiritualméntepom ane (Marcos 6:34). Te ju táyawame ame bechïbo itom jípurewi en náteka tülisi ámew wetche, buéytuk wepu esperanza ara at éame púxbaw bicha wemta bechïbo átam mámaka. Ju nakri wátem bechïbo precursorta animarua a tiémpota éntok a utʼtiaram wátem espiritualméntepo am aniá bechïbo (Mateo 22:39; 1 Tesalonicenses 2:8). Iʼi, ket a feta utʼtiata mámaka éntok chë Lióstaw jëla a rurúktitua, wanay i may a alʼleletua (Hechos 20:35).

• ¿Jítasu wepu precursor?

• ¿Jítasu wátem am yúyue tiempo yumálasi predicarua bechïbo?